నందమూరి కళ్యాణ్ రామ్ హీరోగా వస్తున్న లేటెస్ట్ సినిమా షేర్. ఈ సంవత్సరం మొదట్లోనే పటాస్ తో హిట్టు కొట్టిన కళ్యాణ్ రామ్అదే జోష్ తో ఈ షేర్ సినిమా చేశాడు. అయితే పటాస్ ముందు అంత పెద్ద మార్కెట్ లేని కళ్యాణ్ కెరియర్లో అతనొక్కడే తర్వాత అంత పెద్ద హిట్ ఇచ్చింది పటాస్ సినిమా. ఆ సినిమా ఇచ్చిన బిజినెస్ తో మరోసారి ఈ సినిమా హిట్ బాట పట్టించనున్నాడు కళ్యాణ్ రామ్. ప్రస్తుతం తెలుస్తున్న కథనాల ప్రకారం కళ్యాణ్ రామ్ షేర్ సినిమా ప్రి రిలీజ్ బిజినెస్ బాగా జరిగిందట.

7 కోట్లతో నిర్మించబడ్డ ఈ సినిమా 9 కోట్లకు అమ్ముడవ్వడం అందరికి షాక్ ఇస్తుంది. మల్లిఖారున్ దర్శకత్వంలో వస్తున్న ఈ సినిమా కొమరం వెంకటేష్ నిర్మించారు. రీసెంట్ గా జూనియర్ ఎన్టీఆర్ అతిథిగా రిలీజ్ అయిన సాంగ్స్ కి కూడా మంచి రెస్పాన్స్ వస్తుంది. సినిమా శాటిలైట్స్, ఏరియా వైజ్ బిజినెస్ అంతా కలుపుకుని ఈ సినిమా ఇప్పటికే తీసిన దానికి కన్నా 2 కోట్ల లాభాన్ని తెచ్చిపెట్టిందట.

రిలీజ్ కు ముందే నిర్మాతని లాభాల్లో ముంచెత్తేలా చేసిన కళ్యాణ్ రామ్ షేర్ ఇక రిలీజ్ తర్వాత సినిమాను కొన్న డిస్ట్రిబ్యూటర్స్ కి ఇంకెన్ని లాభాలను తెచ్చిపెడుతుందో చూడాలి. అన్ని హంగులను ముగించుకుని ఈ సినిమాను ఈ నెల 30న రిలీజ్ చేసేందుకు సిద్ధంగా ఉన్నారు దర్శక నిర్మాతలు.