‘బింబిసార’తో మళ్ళీ ఫామ్ లోకి వచ్చిన కళ్యాణ్ రామ్ కి వెంటనే అమిగోస్ తో అపజయం ఎదురైయింది. ఇప్పుడు ఆయన ‘డెవిల్’ సినిమా చేస్తున్నారు. స్పై జోనర్ లో రూపొందుతున్న ఈ సినిమా ప్రమోషనల్ కంటెంట్ ఆసక్తిపెంచింది. అయితే ఇప్పుడీ సినిమా వాయిదా పడింది. ఈ నెల 24న సినిమా రావాల్సింది. కానీ వాయిదా వేస్తున్నట్లు నిర్మాతలు ప్రకటించారు. డెవిల్ ఆర్ఆర్ పూర్తి కాలేదు. అలాగే కొన్ని సిజీ పనులు కూడా పెండింగ్ లో వున్నాయి. ఇవన్నీ అనుకున్న టార్గెట్ కి పూర్తి కావు.
పైగా డెవిల్ డిజిటల్ ప్రమోషన్స్ తప్పితే పక్కా ప్రమోషన్స్ ని ఇంకా మొదలుపెట్టలేదు. ఈ గడవు సరిపోదు. దీంతో సినిమాని వాయిదా వేస్తున్నట్లు ప్రకటించారు. నిజానికి నవంబర్ 24 మంచిడేటే. డిసెంబర్ లో భారీ సినిమాల పోటీ వుంది. చివరి వారంలో ప్రభాస్ సలార్, షారుక్ డంకీ చిత్రాలు వున్నాయి. ఇక మొదటి రెండు వారాలు.. నాని హాయి నాన్నతో పాటు యానిమల్, నితిన్ ఎక్స్ట్రా, ధనుష్ కెప్టన్ మిల్లర్, వరుణ్ తేజ్ ఆపరేషన్ వాలెంటైన్ ఇలా పెద్ద జాబితానే వుంది. డెవిల్ కి డిసెంబర్ డేట్ దొరకడం కష్టమే. తర్వాత సంక్రాంతి సినిమాల జోరు వుంటుంది. ఈ లెక్కన చూసుకుంటే డెవిల్ మళ్ళీ ఫెబ్, మార్చిలోకి వెళ్ళాల్సివస్తుందనే చెప్పాలి.
