ఎన్టీఆర్, కొరటాల శివ కాంబినేషన్లో తెరకెక్కుతున్న చిత్రం జనతా గ్యారేజ్. ఇందులో ఆల్రెడీ ఇద్దరు హీరోయిన్లున్నారు. సమంత, నిత్యమీనన్ కథానాయికలుగా నటిస్తున్నారు. ఇప్పుడు కాజల్ కూడా వచ్చి చేరింది. జనతా గ్యారేజ్లోని ఓ ప్రత్యేక గీతంలతో కాజల్ ఎన్టీఆర్తో కలసి చిందులు వేయనుంది. గతంలో వీరిద్దరూ కలిసి బృందావనం, బాద్షా, టెంపర్ చిత్రాల్లో జంటగా నటించారు. ఇది డబుల్ హ్యాట్రిక్ కి శ్రీకారం అన్నమాట. ఆగస్టు 10 నుంచి ఈ పాటని హైదరాబాద్లో తెరకెక్కిస్తారు. దేవిశ్రీ ప్రసాద్ ఐటెమ్ సాంగ్లు అందివ్వడంలో దిట్ట. ఎన్టీఆర్ కోసం ఓ మాసీ పాటని కంపోజ్ చేశాడట. ఆ పాట కోసం ముందు తమన్నాని సంప్రదించారు. అయితే తమన్నా రేటు కాస్త ఎక్కువ చెప్పడంతో కాజల్ దగ్గరకు వెళ్లారు. కేవలం రూ.25 లక్షలకే కాజల్ ఈ పాట చేయడానికి ఒప్పుకొందని సమాచారం. తమన్నా అయితే రూ.40 లక్షల వరకూ డిమాండ్ చేసిందట. ప్రత్యేక గీతాల్లో కాజల్ మెరవడం ఇదే తొలిసారి. అసలే సినిమాల్లేక, చేసినా అందులో హిట్లు లేక డల్గా ఉన్న కాజల్ కెరీర్కి ఈ పాట ఎంత వరకూ హెల్ప్ చేస్తుందో మరి!!
పాతిక లకరాలిస్తేనే ఎన్టీఆర్తో స్టెప్పు
