నందమూరి బాలకృష్ణ వందో చిత్రానికి సంబంధించిన అధికారిక ప్రకటన ఉగాది రోజున వెలువడింది. అఫీషియల్ ఎనౌన్స్మెంట్ వచ్చేసింది కాబట్టి క్రిష్ అండ్ కో.. ఇప్పుడు నటీనటులు, టెక్నీషియన్ల వేటలో పడింది. కథానాయికగా నయనతార పేరు దాదాపుగా ఖాయమైపోయింది. ఆమె కానిపక్షంలో మరో ఛాయిస్ కూడా రెడీగా ఉంచుకోవాలని క్రిష్ ఉద్దేశం. అందుకే.. ఇప్పుడు మరో కథానాయికని రంగంలోకి తీసుకొచ్చే ప్రయత్నాలు చేస్తున్నారు. తనే.. కాజల్.
కాజల్ ఇప్పటి వరకూ అగ్ర కథానాయకులందరితోనూ జత కట్టింది. అయితే.. బాలకృష్ణతో మాత్రం జోడీ కుదర్లేదు. పైగా.. ఈ సినిమాలో కథానాయిక పాత్రకు కాజల్ కూడా సరైన ఎంపికే… అన్నది క్రిష్ నమ్మకం. నయనతార పారితోషికం రెండు కోట్ల వరకూ డిమాండ్ చేస్తోంది. కాజల్ కి అయితే అందులో ఇస్తే సరిపోతుంది. పైగా బాలయ్య – కాజల్ల జంట ఇంకా కొత్తగా కనిపించే అవకాశం ఉంది. అందుకే.. నయనతారతో పాటు కాజల్ నీ చిత్రబృందం సంప్రదిస్తున్నట్టు తెలుస్తోంది. ఈ విషయమై వారం పదిరోజుల్లో స్పష్టత వచ్చే అవకాశాలున్నాయి.
