కమల్ హాసన్ సినిమా అంటే… ఏది ఉన్నా, లేకున్నా – లిప్పులాక్కులకు మాత్రం కొదవ ఉండదు. హీరోయిన్ల పెదవి ఎంగిలి చేయడం కమల్కి ఓ అలవాటుగా మారింది. కమల్తో సినిమా అంటే.. ముందు ఉత్సాహ పడే కథానాయికలు, లిప్ లాక్కుల దగ్గరే భయపడిపోతుంటారు. అయితే… కమల్ సినిమా వదులుకోకూడదన్న ఉద్దేశంతో వాటికీ ఓకే చెప్పేస్తుంటారు. ఇప్పుడు కాజల్ కూడా కమల్ పెదవెంగిలి సీన్లకు రెడీ అయిపోయినట్టు సమాచారం.
కమల్హాసన్ – శంకర్ కాంబినేషన్లో రూపొందుతున్న చిత్రం `ఇండియన్ 2`. ఈసినిమాలో కాజల్ కథానాయికగా నటిస్తోంది. కమల్తో నటించడం కాజల్ కి ఇదే తొలిసారి. స్వతహాగా లిప్ లాక్ లాంటి సన్నివేశాల్లో నటించడానికి అంగీకరించదు కాజల్. తను నటించిన లిప్ లాక్ సన్నివేశాల్ని వేళ్ల మీదే లెక్క పెట్టొచ్చు. భారతీయుడులో లిప్ లాక్ అవసరం చాలా ఉందట. ఆ సన్నివేశాల్లో నటించడానికి ఒప్పుకుంటేనే సంతకాలు చేయమని చిత్రబృందం అడిగిందట. దానికి కాజల్ కూడా రెడీ అయిపోయిందని సమాచారం. అన్నట్టు ఈ సినిమాలో రకుల్కీ ఛాన్స్ దొరికింది. అప్పటి భారతీయుడులో ఊర్మిళ, మనీషా కొయిరాలతో రొమాన్స్ చేశాడు కమల్. ఈసారీ ఇద్దరు భామల్ని ఎంచుకున్నాడు. కాజల్తో సరసాలు సాగించే కమల్.. రకుల్ని వదిలిపెడతాడో, లేదో చూడాలి.
