బాలీవుడ్లో సల్మాన్ భాయ్ ప్రతీయేటా రంజాన్కి గిఫ్ట్ ఇస్తాడు. తన సినిమాని ఈద్కి రిలీజ్ చేయడం సల్లూభాయ్ అలవాటు. ఈసారి సుల్తాన్ సినిమాని రిలీజ్ చేస్తున్నాడు. అక్కడ సల్లూభాయ్ ఈద్ ముబాకర్కి గిఫ్ట్ ఇచ్చినట్టే… ఇక్కడ ఎన్టీఆర్ ఈసారి రంజాన్కి అదిరిపోయే కానుక ఇస్తున్నాడు. తన తాజా చిత్రం జనతా గ్యారేజ్ టీజర్ని రంజాన్ కానుకగా బుదవారం విడుదల చేయనున్నాడు. సరిగ్గా సాయింత్రం 6 గంటలకు ఆన్ లైన్లో జనతా టీజర్ విడుదల కాబోతోంది. టీజర్ ని ఆల్రెడీ కత్తిరించారని, టీజర్లోని పంచ్ డైలాగ్.. సూపరో సూపర్ అని విశ్వసనీయ వర్గాల సమాచారం. ఈ టీజర్తో జనతా గ్యారేజ్పై అంచనాలు మరింతగా పెరగడం ఖాయమని తెలుస్తోంది.
ఎన్టీఆర్ – కొరటాల శివ కాంబినేషన్లో తెరకెక్కుతున్న జనతా గ్యారేజ్.. ఆల్మోస్ట్ షూటింగ్ కంప్లీట్ చేసుకొంది. మరో రెండు పాటల్ని తెరకెక్కిస్తే.. జనతా పూర్తయిపోయినట్టే. మరోవైపు పోస్ట్ ప్రొడక్షక్షన్ కార్యక్రమాలు కూడా చురుగ్గా సాగుతున్నాయి. ఆగస్టు 12న ఈసినిమాని ప్రేక్షకుల ముందుకు తీసుకొస్తారు. విడుదలకు ముందు హఢావుడి పడకుండా వారం రోజుల ముందే ఫైనల్ కాపీని రెడీ చేయాలన్నది చిత్రబృందం వ్యూహం. అందుకే… రాత్రీ పగలూ తేడా లేకుండా జనతా గ్యారేజ్ని సిద్ధం చేస్తున్నార్ట. మరి టీజర్ ఉలా ఉంటుందో, అందులో ఎన్టీఆర్ వదిలే డైలాగ్ ఏంటో తెలియాలంటే రేపటి వరకూ ఆగాల్సిందే.
