నందమూరి కళ్యాన్ రామ్ హీరోగా తెరకెక్కించ షేర్ సినిమా ఆడియో వేడుక చాలా గ్రాండ్ గా జరిగింది యంగ్ టైగర్ ఎన్టీఆర్ అతిథిగా వచ్చిన ఈ ఆడియో వేడుకలో జూనియర్ షాకింగ్ కామెంట్స్ చేసి అందరిని ఆశ్చర్య పరిచాడు. సినిమాకు పని చేసిన టెక్నిషియన్స్ అందరికి కృతజ్ఞతలు తెలుపుతూ.. మల్లిఖార్జున్ మంచి దర్శకుడంటూ థమన్ మ్యూజిక్ గురించి ప్రత్యేకంగా మాట్లాడాల్సిన పనిలేదని అన్నాడు. అన్నయ్యకు ఇది కూడా పటాస్ లాంటి హిట్ అవ్వాలని అన్నారు.
ఇక కిక్-2 విషయంలో అన్నయ్యకు తాను ఫైనాన్షియల్ గా హెల్ప్ చేశానని ఏవేవో రాశారు. అయితే అది రాసిన వారి తప్పు కాదు చదివిన వారి తప్పు కాదు కాని తాను అసలు అన్నయ్యకు ఎలాంటి హెల్ప్ చేయలేదని ఆ వార్తల్లో నిజం లేదని కొట్టిపారేశాడు. అంతేకాదు చచ్చిపోయే ముందు కూడా కళ్యాన్ రామ్ ఇచ్చే పొజిషన్లో ఉంటాడే కాని తీసుకునే విధంగా కాదని అన్నాడు.
నందమూరి ఫ్యాన్స్ అండగా తామంతా ఈ స్థితికి వచ్చామని.. ఈ సినిమా హిట్ లో భాగంగా వారు కూడా పాలు పంచుకోవాలని అన్నారు. అయితే కిక్-2 విషయంలో ఎన్టీఆర్ తానేమి అన్నయ్యకు హెల్ప్ చేయలేదని చెప్పినా.. అప్పట్లో రిలీజ్ విషయంలో సందిగ్దంలో ఉన్న ఆ సినిమాకు యంగ్ టైగర్ సహాయం చేశాడన్న విషయం వాస్తవమేనని అందరికి తెలిసిన విషయమే.
