సుకుమార్ శిష్యుడిగా టాలీవుడ్ లోకి అడుగుపెట్టాడు బుచ్చిబాబు. తొలి సినిమా ‘ఉప్పెన’తో సూపర్ హిట్టు కొట్టాడు. ఈ సినిమాని అన్నీ తానై నడిపించాడు సుకుమార్. అయితే టేకింగ్లో గానీ, క్యారెక్టరైజేషన్లో గానీ ఎక్కడా సుకుమార్ మార్క్ లేకుండా జాగ్రత్తపడ్డాడు బుచ్చి. కానీ రెండో సినిమాకి మాత్రం అది తప్పడం లేదు.
బుచ్చిబాబు రెండో సినిమా ఎన్టీఆర్ తో ఫిక్సయిన సంగతి తెలిసిందే. మైత్రీ మూవీస్ సంస్థ ఈ చిత్రాన్ని నిర్మిస్తోంది. ఇదో స్పోర్ట్స్ డ్రామా అని తెలుగు 360 ముందే చెప్పింది. ఇందులో ఎన్టీఆర్ కబడ్డీ కోచ్గా కనిపించబోతున్నాడు. కథ కూడా… 1980 నేపథ్యంలో సాగుతుందని సమాచారం. ఈ సినిమాలో మాత్రం.. బుచ్చి సుకుమార్ మార్క్ని దాటి రాలేకపోతున్నాడట.
తన సినిమాలో హీరోకి ఏదో ఓ లోపం పెట్టడం సుకుమార్కి అలవాటుగా మారింది. రంగస్థలం, పుష్పలో అది కనిపించింది. ఇప్పుడు బుచ్చిబాబు కథలోనూ హీరోకి ఓ లోపం ఉందట. దానిపై ఇప్పుడు బుచ్చి తీవ్ర స్థాయిలో కసరత్తు చేస్తున్నాడని తెలుస్తోంది. ఆ లోపం హీరోకి, కథకీ ప్లస్ అయ్యేలా ఉంటుందని సుకుమార్ సలహా ఇచ్చాడట. దానికి తగ్గట్టే బుచ్చి స్క్రిప్టు రాసుకున్నాడని, ఈ యాడింగ్ తో సినిమాలోని హీరో క్యారెక్టరైజేషన్కి బాగా వెయిట్ పెరిగిందని, ఎన్టీఆర్ ని కొత్తగా చూపించే ఛాన్స్ కూడా వచ్చిందని సమాచారం. మరి.. అదేంటో? దాని వెనుక కథేంటో తెలియాలంటే ఇంకొన్ని రోజులు ఆగాలి.
