వైఎస్ఆర్ కాంగ్రెస్ పార్టీ అభ్యర్థుల జాబితాను.. ఇడుపులపాయలో విడుదల చేయాలనుకున్నారు. కానీ వివేకానందరెడ్డి హత్యతో వాయిదా పడింది. ఆ తర్వాత గవర్నర్కు ఫిర్యాదు చేయడం… పార్టీలో కొత్త నేతల్ని చేర్చుకోవడం కోసం.. ఇడుపులపాయ నుంచి జగన్ హుటాహుటిన హైదరాబాద్ వచ్చారు. ఆలస్యం అవుతుంది కాబట్టి.. అక్కడే అభ్యర్థుల జాబితా కూడా విడుదల చేస్తారన్న సమాచారం మీడియాకు ఇచ్చారు. కానీ… తర్వాత మళ్లీ మనసు మార్చుకున్నారు. హైదరాబాద్లో అభ్యర్థుల జాబితా విడుదల చేయడం.. ప్రజల్లో తప్పుడు సంకేతాలు పంపుతుందని.. నిర్ధారించుకుని… మళ్లీ వాయిదా వేశారు. ఆదివారం ఉదయం ఇడుపులపాయకు వెళ్లి… అక్కడే అసెంబ్లీ అభ్యర్థుల జాబితా విడుదల చేయాలనుకున్నారు. ఇది జరిగిన రెండు, మూడు గంటల్లోనే.. మళ్లీ ఓ సమాచారం మీడియాకు వచ్చింది.
తొమ్మిది మంది లోక్సభ అభ్యర్థుల జాబితాను.. వైసీపీ విడుదల చేయబోతోందని సమాచారం ఇచ్చారు. చివరికి ముహుర్తం చూసుకుని రాత్రి తొమ్మిది గంటల తొమ్మిది నిమిషాలకు… తొమ్మిది మందితో.. వైసీపీ ఎంపీ అభ్యర్థుల జాబితాను విడుదల చేశారు. ఈ తొమ్మిది లెక్క వెనుక ఉన్నది.. విశాఖ శారదాపీఠాదిపతి స్వరూపానంద స్వామి. ఆయనే లక్కీ నెంబర్లు, ముహుర్తాలు ఖరారు చేసి.. ఓజాబితా విడుదల చేయమని… సూచించారు. ఆ ప్రకారమే.. వైసీపీ నేతలు.. అన్నీ తొమ్మిది కలసి వచ్చేలా… మొదటి జాబితాను ప్రకటించారు. జగన్మోహన్ రెడ్డికి ఇంతగా ముహుర్తాలపై నమ్మకం ఉందని.. ఎవరూ అనుకోలేదు.
ఇటీవలి కాలంలో.. స్వరూపానందను… జగన్మోహన్ రెడ్డి అమితంగా నమ్ముతున్నారు. హిందూత్వం నుంచి ఎప్పుడో బయటకు వెళ్లిపోయి… నిఖార్సుగా క్రైస్తవాన్ని ఆచరించే జగన్మోహన్ రెడ్డి… ఆశ్చర్యకరంగా… హిందూస్వామి చెప్పినట్లు చేయడం ప్రారంభించారు. స్వరూపానంద కేసీఆర్కు కూడా దగ్గర కావడంతో… ఆయన ముహుర్తల ప్రకారం ఇష్టం లేకపోయినా… విడుదల చేయక తప్పలేదన్న భావన పార్టీ వర్గాల్లో వ్యక్తమవుతోంది.
