ఆంధ్రప్రదేశ్కు నిధులు ఇవ్వాలంటూ.. చంద్రబాబునాయుడు.. ఐదేళ్లలో నలభై సార్లు ఢిల్లీకి వెళ్లారు. కేంద్రమంత్రుల్ని పదే పదే కలిసేవారు. ఆయన ఒత్తిడిని తట్టుకోలేక… ఎంతో కొంత… నిధులు.. ఏపీకి విడుదల చేసేవారు. అయితే.. వాటికి సంతృప్తి చెందని.. అప్పటి సీఎం.. బీజేపీకి గుడ్ బై చెప్పారు. నిజానికి ఆయన తీసుకున్న నిర్ణయం రాజకీయ పరిమైనదేనని అందరికీ తెలుసు. అందుకే.. ఆ తర్వాత నుంచి కేంద్రం నుంచి ఒక్క రూపాయి కూడా నిధులు విడుదల కాలేదు. చివరికి… వెనుకబడిన జిల్లాలకు ఇచ్చిన నిధులను కూడా ఆపేశారు. ఎన్ని సార్లు తీవ్రమైన ఆరోపణలు చేసినప్పటికీ.. వాటిని విడుదల చేయలేదు. ప్రభుత్వం మారి నాలుగు నెలలైనా… కూడా విడుదల చేయలేదు.
అప్పట్లో.. చంద్రబాబు వారానికో సారి సందర్భాన్ని చూసుకుని… కేంద్రం నిధులివ్వడం లేదని…మండిపడేవారు. అయితే అసెంబ్లీ.. లేకపోతే ప్రెస్మీట్.. అదీ కాకపోతే.. ఏదో ఓ బహిరంగసభ పెట్టుకుని బీజేపీపై విరుచుకపడేవారు. పదే పదే ప్రశ్నించేవారు. ఇప్పుడు మాత్రం కేంద్రాన్ని అడిగేవారే లేరు. ముఖ్యమంత్రి జగన్మోహన్ రెడ్డి… 22 మంది ఎంపీలున్నప్పటికీ.. ఉన్నా.. లేనట్లేనన్నట్లుగా ఉన్నారు. కేంద్రానికి నిధుల కోసం.. ఇంత వరకూ ఒక్క వినతి పత్రం ఇచ్చినట్లుగా కనిపించలేదు. రాష్ట్రానికి ఫలానా ప్రాజెక్టు కావాలని అడిగిందీ లేదు. బడ్జెట్లో రూపాయి కేటాయించకపోయినా… స్పందించలేదు. దీంతో. .. ఏపీ వైపు నుంచి బీజేపీపై ఒత్తిడి తగ్గిపోయింది.
ఇదే విషయాన్ని కమ్యూనిస్టు పార్టీ నేతలు గుర్తు చేసి.. బీజేపీ నేతలపై మండిపడుతున్నారు. గతంలో ఏపీకి నిధులను చంద్రబాబు అడిగినా ఇవ్వలేదని.. ఇప్పుడు జగన్ అడిగే పరిస్థితి లేదన్నారు. ఏపీ కోసం తామున్నామంటూ.. గొప్ప గొప్ప ప్రకటనలు చేసే.. బీజేపీ నేతలు.. జీవీఎల్, కన్నా ఏమయ్యారని… సీపీఐ రాష్ట్ర కార్యదర్శి రామకృష్ణ నేరుగానే ప్రశ్నిస్తున్నారు. ముఖ్యంగా జీవీఎల్ నరసింహారావుపై ఆయన మండిపడుతున్నారు. జీవీఎల్కు నోరు పడిపోయిందా అని ప్రశ్నించారు. విభజన సమస్యలు.. కేంద్రం నుంచి ఏపీకి రావాల్సిన వాటిపై ఎందుకు స్పందించడం లేదని ప్రశ్నించారు. కానీ.. బీజేపీ నేతలు.. చంద్రబాబు ఉన్నప్పుడు.. టెన్షన్ తో ఉండేవారు. ప్రజలకు ఏం చెప్పాలా.. అనే కంగారు ఉండేది. ఇప్పుడు ఏమీ చెప్పాల్సిన అవసరం లేకుండా పోయింది. ప్రభుత్వమే అడగనప్పుడు వారు మాత్రం ఏం చెబుతారు…?
