ఆర్థికంగా వెనుకబడిన అగ్రవర్ణాల్లో … ఎంతో మంది పేదలు ఉన్నారు. కులం ప్రకారం రిజర్వేషన్లు ఉండటం వల్ల… దశాబ్దాలుగా అగ్రవర్ణ పేదలు నష్టపోతున్నారు. అందులో ఎలాంటి సందేహం లేదు. అందుకే… వివిధ రాష్ట్రాల్లో… అగ్రవర్ణాలు .. రిజర్వేషన్లు కోసం.. ఓ స్థాయిలో పోరాటం చేస్తున్నాయి. గుజరాత్ లో అత్యంత ధనవంతులుగా పేరు పడిన పటేళ్లు కూడా.. ఉద్యమించిన వ్యవహారాలు హైలెట్ అయ్యాయి. అలాగే జాట్లు, ఆంధ్రప్రదేశ్ లో కాపు సామాజికవర్గాలు కూడా… తమకు రిజర్వేషన్లు కల్పించాల్సిందేనని డిమాండ్ చేస్తున్నాయి. దాదాపుగా పదమూడు రాష్ట్రాల్లో అగ్రకులాలుగా పేరు పడిన సామాజికవర్గాలు రిజర్వేషన్ల కోసం డిమాండ్లు చేస్తున్నాయి. ఆంధ్రప్రదేశ్ లాంటి రాష్ట్రాలు కాపులకు అదనంగా ఐదు శాతం రిజర్వేషన్లు కల్పించాలని… డిమాండ్ చేస్తూ.. అసెంబ్లీలో తీర్మానాలు చేసి కేంద్రానికి పంపాయి. అవన్నీ కేంద్రం వద్ద పెండింగ్ లో ఉన్నాయి. ఇప్పుడు కేంద్ర ప్రభుత్వం ఆర్థికంగా వెనుకబడిన అగ్రవర్ణాలకు… రిజర్వేషన్ ఇవ్వాలని నిర్ణయించడంతో.. వాటన్నింటికీ పరిష్కారం లభించినట్లవుతందనే అభిప్రాయం వ్యక్తమవుతోంది.
ఆంధ్రప్రదేశ్ లో కాపు సామాజికవర్గం… రిజర్వేషన్ కోసం చాలా కాలంగా పోరాడుతోంది. చాలా రాజకీయ పార్టీలు ఎన్నికల్లో హామీలు ఇచ్చాయి కానీ.. ఎవరూ చేయలేకపోయాు. వైఎస్ హయాంలో మేనిఫెస్టోలో పెట్టినప్పటికీ.. అప్పట్లో కేంద్ర , రాష్ట్రాల్లో కాంగ్రెస్ పార్టీ అధికారంలో ఉన్నప్పటికీ అమలు చేయలేకపోయారు. గత ఎన్నికల్లో టీడీపీ అధినేత … రిజర్వేషన్ హామీ ఇచ్చారు. దాని ప్రకారం.. బీసీ కమిషన్ వేసి … నివేదిక వచ్చిన తర్వాత అసెంబ్లీలో తీర్మానం చేసి కేంద్రానికి పంపారు. కానీ కేంద్రం మాత్రం.. పెండింగ్ లో పెట్టింది. ఏపీలో ఇప్పటికే 50 శాతం రిజర్వేషన్లు ఉన్నాయి. రాజ్యాంగంలోని 9వ షెడ్యూల్ లో పెడితే.. ఓ సమస్యకు పరిష్కారం లభిస్తుంది.ఇప్పుడు ఈబీసీ బిల్లు ఆమోదం పొందితే ప్రత్యేకంగా కాపులకే కాకుండా.. ఆర్థికంగా వెనుకబడిన అన్ని వర్గాలకూ కలిసి రిజర్వేషన్లు అందుతాయి.
కానీ కేంద్రం క్రెడిట్ తాము తీసుకోవడం కోసమే… దేశవ్యాప్తంగా ఈబీసీ రిజర్వేషన్లను తెరపైకి తెచ్చింది. అగ్రవర్ణాల పార్టీగా ముద్రపడిన.. భారతీయ జనతా పార్టీకి.. ఈబీసీ బిల్లు ఓ రకంగా.., ఆక్సిజన్ లాంటిదే. అయితే అగ్రవర్ణాల మద్దతు పొందిన పార్టీలు ఇటీవలి కాలంలో.. ఎక్కువగా బలపడుతున్నాయి. వివిధ రాష్ట్రాలలో.. వీటన్నింటిని దెబ్బకొట్టి.. తాము బలపడాలనే ఎత్తుగడ బీజేపీ వేసింది.రిజర్వేషన్ల కోసం పోరాడుతున్న అగ్రవర్ణాలకు.. ఈ నిర్ణయం ఓ వరమే. కానీ దీన్ని చట్టంగా తీసుకొచ్చి అమలు చేస్తేనే.. బీజేపీని నమ్ముతారు. లేకపోతే మొదటికే మోసం వస్తుంది.
