ఈ వ‌ర‌ల్డ్ క‌ప్‌లో వ‌రుస‌గా 6వ విజ‌యాన్ని త‌న ఖాతాలో వేసుకొంది టీమ్ ఇండియా. అయితే ఈసారి మ్యాచ్‌ని బౌల‌ర్లు గెలిపించారు. 230 ప‌రుగుల స్వ‌ల్ప ల‌క్ష్యాన్ని భార‌త జ‌ట్టు కాపాడుకోవ‌డం, వంద ప‌రుగుల తేడాతో విజ‌యాన్ని అందుకోవ‌డం నిజంగా.. అద్భుత‌మే. బౌల‌ర్ల‌కు అనుకూలించిన ఈ పిచ్‌పై… బూమ్రా, ష‌మీ, కుల‌దీప్ చెల‌రేగిపోయారు. ప్ర‌పంచ ఛాంపియ‌న్‌ని మ‌ట్టి క‌రిపించారు. ఈఓట‌మితో.. ఇంగ్లండ్ ఇంటికి వెళ్ల‌డంతో పాటుగా మ‌నం సెమీస్‌కి ద‌ర్జాగా అడుగుపెట్ట‌డం కూడా ఖాయ‌మైపోయాయి. అయితే ఇలాంటి పిచ్‌పై కూడా రోహిత్ శ‌ర్మ బ్యాటింగ్ చేసిన విధానాన్ని గుర్తు పెట్టుకోవాల్సిందే. ఎప్పుడూ దూకుడుగా ఆడే రోహిత్.. ఈ సారి సంయ‌మ‌నంతో బ్యాటింగ్ చేశాడు.తృటిలో సెంచ‌రీ (87) కోల్పోయినా… సెంచ‌రీ కంటే గొప్ప ఇన్నింగ్స్ ఇది. ఈ వ‌ర‌ల్డ్ క‌ప్‌లో అద్భుత‌మైన ఫామ్ లో ఉన్న ఇండియ‌న్ కెప్టెన్‌.. మ‌రోసారి సూప‌ర్బ్ ఇన్నింగ్స్ ఆడాడు. కోహ్లి (0) నిరాశ ప‌రిచినా, రాహుల్‌, సూర్య కుమార్ త‌ప్ప మిగిలిన వాళ్లెవ్వరూ రాణించ‌లేక‌పోయినా, ప్ర‌తి కూల ప‌రిస్థితుల్లో జ‌ట్టు స్కోరు 200 దాటించాడు. చివ‌ర్లో బూమ్రా, కుల‌దీప్ జోడించిన విలువైన ప‌రుగుల్ని మ‌ర్చిపోకూడ‌దు. మొత్తానికి ఈ వ‌రల్డ్ క‌ప్ లో భార‌త్ త‌న చైత్ర‌యాత్ర కొన‌సాగిస్తోంది. సెమీస్ లో కూడా ఇదేర‌క‌మైన ఆట తీరు ప్ర‌ద‌ర్శిస్తే.. క‌ప్ మ‌న‌దే.