రియల్ ఎస్టేట్ సంస్థలను గుడ్డిగా నమ్మితే నట్టేట మునిగిపోతారు. దానికి ఈ ఘటనే ఉదాహరణ. రంగారెడ్డి జిల్లా గండిపేట మండలం నెక్నాంపూర్ గ్రామంలోని నెక్నాంపూర్ చిన్న చెరువులో ఆక్రమణలను హైడ్రా తొలగించింది. చెరువు FTL, బఫర్ జోన్లలో పూజ క్రాఫ్టెడ్ హోమ్స్ నిర్మాణ సంస్థ నిర్మాణాలు చేపట్టిది. దాదాపు రెండున్నర ఎకరాల మేర మట్టిని నింపి.. రహదారులు వేసింది. … వీటన్నింటినీ హైడ్రా తొలగించింది.
చెరువులో నింపిన మట్టిని కూడా టిప్పర్లతో, జేసీబీలతో తొలగించి.. పూజ క్రాఫ్టెడ్ హోమ్స్ నిర్మాణ సంస్థకు చెందిన స్థలంలో హైడ్రా వేసింది. ఇదే సమయంలో పూజ క్రాఫ్టెడ్ హోమ్స్ నిర్మాణ సంస్థ యజమానులపై కేసులు పెట్టారు. నెక్నాంపూర్ చిన్న చెరువు 9 ఎకరాల మేర ఉండగా రెండున్నర ఎకరాలకు పైగా కబ్జా చేశారు. నెక్నాంపూర్ చిన్న చెరువు హైదరాబాద్ ప్రాంతంలో భూగర్భ జలాలు, వరదల నివారణ , పర్యావరణ సమతుల్యతకు కీలకం. గతంలో కూడా ఈ ప్రాంతంలో ఆక్రమణలు జరిగాయి.
నిజానికి ఈ ఆక్రమణలు తొలగించడం ఇది మొదటి సారి కాదు. ఇది నాలుగోసారి జరిగిన తొలగింపు. అనుమతులు రద్దు చేసినప్పటికీ నిర్మాణాలు కొనసాగాయి. 2024 మార్చిలో తెలంగాణ పొల్యూషన్ కంట్రోల్ బోర్డు (TSPCB) పూజ క్రాఫ్టెడ్ హోమ్స్ మరియు ఆనంద హోమ్స్కు నోటీసులు జారీ చేసింది. రియల్ ఎస్టేట్ సంస్థ నుంచి ఎలాంటి ప్రకటన రాలేదు. ఇలాంటి సంస్థల్లో ఇళ్లు కొనుగోలు చేస్తే .. వినియోగదారులు తర్వాత ఇబ్బందిపడే అవకాశం ఉంది.
