తెలుగుదేశం పార్టీ హయాంలో పాత గుంటూరు పోలీస్ స్టేషన్‌పై కొంత మంది దాడి చేసి బీభత్సం సృష్టించారు. పోలీసులపై దాడి చేశారు. వాహనాలకు నిప్పు పెట్టారు. ఆ కేసులను ప్రస్తుత ప్రభుత్వం ఎత్తివేస్తూ జీవో జారీ చేసింది. కేసుల్ని ఎత్తివేసింది. ఈ కేసులపై ప్రాసిక్యూషన్ ఉపసంహరించుకుంటూ ఫిబ్రవరి 17న ప్రభుత్వానికి డీజీపీ లేఖ రాశారు. లేఖని ఆమోదిస్తూ ఆగస్ట్‌ 12న 776 జీవో విడుదల చేసింది. ప్రాసిక్యూషన్ ఉపసంహరించుకోవాలని స్టేషన్‌హౌస్ ఆఫీసర్, పబ్లిక్ ప్రాసిక్యూటర్లకు ఆదేశాలు జారీ చేశారు.లీసు స్టేషన్‌పై దాడి చేసిన కేసులు కూడా ఎత్తివేస్తే ఇక.. ఏ నేరాలు చేసినా భయం ఉండదనే భావన నేరస్తుల్లో ఏర్పడుతుందనే విమర్శలు అప్పుడే వచ్చాయి. అయినా ప్రభుత్వం పట్టించుకోలేదు.

ఈ జీవోను సవాల్ చేస్తూ.. ఓ వ్యక్తి హైకోర్టులో పిటిషన్ వేశారు. పోలీస్ స్టేషన్ పై దాడి చేసిన కేసులే ఎత్తేస్తే.. ఇలాంటి నేరాలు భవిష్యత్‌లో పునరావృతం అయ్యేందుకు ఈ జీవో ప్రోత్సాహాం ఇస్తుంనిద.. ఈ ఘటనపై స్వతంత్ర దర్యాప్తు సంస్థతో సమగ్ర విచారణ జరపాలని హైకోర్టుకు పిటిషనర్ విజ్ఞప్తి చేశారు. జీవోను పరిశీలించిన హైకోర్టు ధర్మాసనం.. అందులో నిందితుల్ని ముస్లిం యువతగా పేర్కొనడంపై ఆగ్రహం వ్యక్తం చేశారు. పిటిషన్‌లో ఎన్ఐఎని కూడా పార్టీగా చేర్చాలని ధర్మాసనం సూచిస్తూ.. కౌంటర్ దాఖలు చేయాలని ప్రభుత్వాన్ని ఆదేశించింది. జీవో నిలుపుదల చేస్తూ మధ్యంతర ఉత్తర్వులు జారీ చేసింది.

ఓ చిన్నారిపై జరిగిన అత్యాచారం ఘటన విషయంలో.. పోలీసులు నిందితుడ్ని అరెస్ట్ చేసినప్పటికీ.. రాత్రికి రాత్రి కొంత మంది గుంపు పోలీస్ స్టేషన్‌పై దాడి చేశారు. ఆ ఘటన ఓ ప్రణాళిక ప్రకారం జరిగిందని అప్పట్లో పోలీసులు నిర్ధారించారు. అందులో పాల్గొన్న వారిపై కేసులు పెట్టారు. సీరియస్‌గా దర్యాప్తు చేస్తున్నారు. అయితే.. కొత్త ప్రభుత్వం ఆ కేసుల్ని ఉపసంహరించుకుటూ నిర్ణయం తీసుకుంది. తమపై దాడి చేసిన కొట్టారని తెలిసినా పోలీసు బాస్ గౌతం సవాంగ్ ఆ కేసును ఉపసంహరిస్తూ.. నిర్ణయం తీసుకోవడం అప్పట్లోనే చర్చనీయాంశం అయింది.