సుధీర్ బాబు నటించిన చిత్రం ‘హరోం హర’. జ్ఞానసాగర్ ద్వారక దర్శకుడు. ఈ చిత్రాన్ని సూపర్ స్టార్ కృష్ణ పుట్టిన రోజు సందర్భంగా ఈనెల 31న విడుదల చేద్దామనుకొన్నారు. కానీ ఇప్పుడు వాయిదా వేసినట్టు తెలుస్తోంది. ఈనెల 31న నాలుగైదు చిత్రాలు బరిలో ఉన్నాయి. విశ్వక్సేన్ నటించిన ‘గ్యాంగ్స్ ఆఫ్ గోదావరి’తో పాటుగా ‘గం గం గణేషా’, ‘సత్యభామ’ చిత్రాలు విడుదల తేదీ ప్రకటించేశాయి. సోలో రిలీజ్ కోసం ఎదురు చూస్తున్న ‘హరోం హర’ వెనక్కి వెళ్లక తప్పడం లేదు.
నిజానికి మే 31 ముందుగా లక్ చేసింది `హరోం హర` టీమే. ఆ తరవాతే.. మిగిలిన సినిమాలు మే 31న గురి పెట్టాయి. ‘గ్యాంగ్స్ ఆఫ్ గోదావరి’ ఈరోజు విడుదల కావాల్సివుంది. అయితే పోస్ట్ ప్రొడక్షన్ లో జాప్యం వల్ల రిలీజ్ అవ్వలేదు. ఈ నేపథ్యంలో… మే 31 పోటీ నుంచి తప్పుకోవాలని `హరోం హర` టీమ్ నిర్ణయించుకొన్నట్టు తెలుస్తోంది. ‘గం గం గణేశా’, ‘సత్యభామ’ చిత్రాలకు సంబంధించిన ప్రమోషన్లు మొదలైపోయాయి. ఇక విశ్వక్ బరిలో దిగాల్సిన సమయం ఆసన్నమైంది. ఎలక్షన్ రిజల్ట్ తరవాతే… ‘హరోం హర’ విడుదల ఉండొచ్చు.
