సామాన్య ప్రేక్షకులకే కాదు.. స్టార్స్ కి కూడా స్పెషల్ గా అభిమాన ‘స్టార్స్’ వుంటారు. రామ్ గోపాల్ వర్మకి శ్రీదేవి అంటే పిచ్చి. కుర్ర హీరో నాగశౌర్యకు అనుష్క అంటే వీరాభిమానం… ఇలా చెప్పుకుంటూపొతే పెద్ద లిస్టు అవుతుంది. ఈ లిస్టు లో ఇపుడు దర్శకుడు హరీష్ శంకర్ కూడా చేరాడు. ఇంతకీ హరీష్ శంకర్ కి ఇష్టమైన ‘స్టార్’ఎవరో తెలుసా? సాయిపల్లవి.

ఒక్క సినిమాతో పాపులరైపోయిన హీరోయిన్ సాయి పల్లవి. మలయాళంలో ”ప్రేమమ్” సినిమాలో మలర్ అనే క్యారక్టర్ చేసి అందరికీ దగ్గరైంది సాయి. ఈ సినిమాతో యువత హృదయాల్ని కొల్లగొట్టేసింది. ఈ సినిమా తర్వాత సాయికి చాలా ఆఫర్లు అందాయి. ఇప్పుడు ఆమె చేతిలో మూడు సినిమాలు వున్నాయి. ఇందులో శేఖర్ కమ్ముల దర్శకత్వంలో వస్తున్న ‘ఫిదా’ ఒకటి.

అయితే ఈ సినిమా ఇంకా బయటికి రాకుండానే సాయి పల్లవికి అభిమాన ఘనం ఏర్పడిపోయింది. దర్శకుడు హరీష్ శంకర్, సాయి పల్లవి ఫ్యాన్స్ లిస్టు లో చేరిపోయాడు. ‘ఫైనల్లీ మెట్‌ హెర్‌..’, ‘ఎ స్పెల్‌ బౌండ్‌ మూమెంట్‌..’ కలిసేందుకు సమయమిచ్చినందుకు థ్యాంక్స్‌” అంటూ సాయితో దిగిన ఓ ఫోటో ను కూడా షేర్ చేస్తూ తెగ ఎక్సయిట్ అయిపోయాడు హరీష్ శంకర్. ప్రేమమ్ సినిమా చూసినప్పుడే సాయి పల్లవికి అభిమానిగా మారిపోయాడట హరీష్.