పవన్కల్యాణ్, క్రిష్ కాంబినేషన్లో వస్తోన్న చిత్రం ‘హరిహర వీరమల్లు’. పీరియాడికల్ యాక్షన్ చిత్రంగా రూపుదిద్దుకుంటోన్న ఈ సినిమా కొత్త షెడ్యూల్ తాజాగా పట్టాలెక్కింది. ఈ సినిమాకి సంబధించిన లేటెస్ట్ అప్డేట్ ఏమిటంటే.. సినిమాలో కథ ప్రకారం ఓ భారీ యాక్షన్ సీక్వెన్స్ వుంది. దాదాపు వెయ్యి మందితో ఈ యాక్షన్ సీన్ ని చిత్రీకరిస్తున్నారు. ఈ యాక్షన్ సీక్వెన్స్ చిత్రానికి హైలట్ గా నిలవబోతుందని యూనిట్ భావిస్తుంది.
పవన్ కళ్యాణ్ పీరియాడికల్ సినిమా చేయడం ఇదే తొలిసారి. దీంతో పవన్ కళ్యాణ్ వీర మల్లుగా చూడటానికి ప్రేక్షకులు భారీ అంచనాలతో ఎదురుచూస్తున్నారు. క్రిష్ గౌతమీపుత్ర శాతకర్ణి, మణికర్ణిక లాంటి పీరియాడికల్ చిత్రాలు చేశారు. ఇప్పుడు ఆయన నుంచి వస్తున్న మరో పీరియాడికల్ డ్రామా కావడం కూడా ఆసక్తిని పెంచుతుంది. ఈ సినిమా కోసం పవన్ కళ్యాణ్ ప్రత్యేకంగా కొన్ని యుద్ద విద్యలు కూడా నేర్చుకున్నారు. ఈ సినిమాలో పవన్ కల్యాణ్ సరసన నిధి అగర్వాల్ నటిస్తోంది. ఈ చిత్రానికి సంగీతం ఎం.ఎం. కీరవాణి. తెలుగుతోపాటు హిందీ, తమిళ, కన్నడ, మలయాళ భాషల్లో ఏకకాలంలో సినిమా విడుదలకానుంది.
