తెలుగు సినిమాపై ఇక్కడి దర్శకులపై యాపిల్ బుగ్గల సుందరి హన్సిక భయంకరంగా అలిగింది. తెలుగు సినిమాలు తగ్గడానికి ఇక్కడి దర్శకుల ఆలోచనే కారణమని, తనని చిన్నచూపు చూస్తున్నారని వాపోతోంది హన్సిక. దేశముదురు తరవాత హన్సిక సుడి ఓ రేంజులో తిరిగింది. ఎంత సడన్గా స్టార్ అయ్యిందో.. అంత సడన్గా తెలుగులో అవకాశాలు తగ్గిపోయాయి. తెలుగులో సినిమాలేం లేకపోయినా తమిళంలో మాత్రం హన్సిక ఫుల్ బిజీ. అక్కడ ఇప్పుడు ఆమె చేతిలో నాలుగైదు సినిమాలున్నాయి. మరి తెలుగులో పెద్దగా కనిపించడం లేదేంట?? అంటే హన్సిక బావురు మంటోంది.
”తెలుగులో నాకు ఎందుకు అవకాశాలు రావడం లేదో నాకే అర్థం కావడం లేదు. నన్ను స్టార్ ని చేసింది తెలుగు సినిమానే. కానీ.. ఇక్కడి దర్శకులకు నేనిప్పుడు కనిపించడం లేదు. అంతకు ముందు కాస్త బొద్దుగా ఉండేదాన్ని. ‘ఇంత లావుగా ఉంటే ఎలా’ అనేవారు. ఇప్పుడు సన్నబడ్డా. ‘ఇంత స్లిమ్గా ఉంటే ఎలా. అప్పుడే బాగున్నారు’ అని రివర్స్లో మాట్లాడుతున్నారు. ఇంతకీ నేను తెలుగు ప్రేక్షకులకు సన్నగా కనిపించడం అంటే ఇష్టమా? లావుగా కనిపించాలా? ఈ విషయంలో దర్శకులకే క్లారిటీ లేదు” అంటోంది. హన్సిక చెప్తోంది నిజమే కదా?? దర్శకులూ… ముందు ఆ విషయంలో కాస్త క్లారిటీ తెచ్చుకోండి. లేదంటే హన్సిక మున్ముందూ ఇలానే అలుగుతుంటుంది.
