నయరతార క్రేజ్ మామూలుగా లేదు. ఓవైపు లేడీ ఓరియెంటెడ్ కథల్లో రాణిస్తూనే, కమర్షియల్ చిత్రాల్నీ ఎంచుకొంటోంది. అయితే తెలుగు సినిమాని మాత్రం కొంత నిర్లక్ష్యం చేస్తున్నట్టు అనిపిస్తోంది. నయన చేతిలో ఉన్న ఏకైక తెలుగు చిత్రం బాబు బంగారం. ఈ సినిమా కూడా ఏదో ఆబ్లికేషన్ మీద చేస్తోంది. ఇది వరకు రాధ సినిమాకి తీసుకొన్న అడ్వాన్స్ ని తిరిగి ఇవ్వలేక… ఈ సినిమా పూర్తి చేస్తోందట! ఈమధ్య నందమూరి బాలకృష్ణ, చిరంజీవి చిత్రాల్లో కథానాయికగా ముందు నయన పేరే ప్రస్తావనకు వచ్చింది. ఈ సినిమాలకు నో చెప్పి… నయన తన ప్రత్యేకతను చాటుకొంది. తెలుగు సినిమాల్ని నిర్లక్ష్యం చేస్తున్నారేంటి? అని అడిగితే ”నేనేం తెలుగు సినిమాలకు దూరం కావడం లేదు. కొత్తదనం ఉన్న కథలకు మాత్రమే దగ్గరవుతున్నా” అంటూ తెలివిగా సమాధానం చెబుతోంది.
స్టార్ హీరోల సినిమాలంటే ఎందుకనో.. నయన కాస్త వెనకంజ వేస్తోంది. బహుశా… సెట్లో స్టార్ హీరోలు ఆధిపత్య ధోరణి చూపిస్తారన్న భయమో ఏమో. అయితే నయన ఆన్సర్ మాత్రం వేరేలా ఉంది. స్టార్ హీరోలున్నంత మాత్రాన సినిమాలు హిట్ కావని, ఓ చెత్త స్క్రిప్టు ఏ హీరో చేసినా ఒక్కటే అని.. అలాంటి కథల్లో నటించినంతమాత్రాన ప్రయోజనం ఏమీ ఉండదని చెబుతోంది నయన. అందుకే.. స్టార్ హీరోనా, కొత్త హీరోనా అనే బేధం నయన ఎప్పటికీ చూపదట. అయితే చిరు, బాలయ్య సినిమాల్ని పక్కన పెట్టడానికి తగిన రీజన్ మాత్రం చెప్పడం లేదు. ఏం చెబితే, ఏం కొంపమునుగుతుందో అని భయపడుతుందేమో?
