గ్రేటర్ హైదరాబాద్ను మరింత గ్రేటర్ గా మార్చనున్నారు. ప్రస్తుతం గ్రేటర్ పరిధిని విస్తరిస్తున్నారు. ఔటర్ రింగ్ రోడ్ లోపల ఉన్న మున్సిపాలిటీలు, కార్పొరేషన్లు అన్నీ కలిపేస్తున్నారు. ఇది ఇది మహా..మహా నగరం అవుతుంది. పటాన్ చెరు నుంచి పెద్ద అంబర్ పేట వరకూ హైదరాబాద్ నగర కార్పొరేషన్ అవుతుంది. చెప్పుకోవడానికి బాగానే ఉంటుంది కానీ.. స్థానిక పాలన ఎలా ఉంటుందన్నదే కీలకం.
ఓ నగరం అభివృద్ధి చెందాలంటే.. మౌలిక సదుపాయాలు కీలకం. రోడ్లు, ట్రాఫిక్ లేకపోవడం, ప్రశాంతంగా ఉండటం, శాంతిభద్రతలు, డ్రైనేజీ ఇలా అన్నీ కరెక్ట్ గా ఉంటేనే మంచి నగరం అవుతుంది. అలా అవ్వాలంటే.. స్థానిక పాలన లో లోపం లేకుండా ఉండాలి. ఇంత పెద్ద కార్పొరేషన్ ను ఏర్పాటు చేస్తున్నప్పుడు… ఇలాంటివి పక్కాగా జరిగిపోయేలా వ్యవస్థల్ని కూడా ఏర్పాటు చేసుకోవాల్సి ఉంటుంది.
గ్రేటర్ ను మరింత గ్రేటర్ గా మార్చిన తర్వాత హైదరాబాద్ పన్నుల ఆదాయం పెరుగుతుంది. అందులో డౌట్ లేదు. కానీ దానికి తగ్గట్లుగా మౌలిక సదుపాయాలు కల్పించగలగాలి. ఇప్పటికీ గతంలో ఏర్పాటు చేసిన మున్సిపాలిటీలు, కార్పొరేషన్లలో చాలా వరకూ రోడ్ల సమస్యలు, డ్రైనేజీ సమస్యలు పరిష్కారం కాలేదు. ఇప్పుడు కొత్తగా గ్రేటర్ లో భాగం చేస్తున్నారు. రాజకీయంగా వచ్చే అభిప్రాయాలను పక్కన పెట్టి.. . గ్రేటర్ లో కలపడం వల్ల కాలనీలు బాగుపడతాయని ప్రజలకు ముందుగా నమ్మకం కలిగించాల్సి ఉంది.
