నందమూరి బాలకృష్ణ 100వ సినిమా గౌతమిపుత్ర శాతకర్ణికి ఇప్పుడు షార్ట్ గ్యాప్ వచ్చింది. బాలయ్య అమెరికాలో హంగామా చేస్తున్నాడు. అక్కడ్నుంచి తిరిగొచ్చాక.. వందో సినిమా షూటింగ్ లో పాల్గొంటారు. ఈలోగా క్రిష్ కథానాయికల ఎంపిక విషయంలో తర్జనభర్జనలు పడుతున్నాడు. ఓ కథానాయికగా శ్రీయ పేరు దాదాపు ఖరారైపోయింది. ఇప్పుడు రెండో కథానాయిక కోసం అన్వేషిస్తున్నారు. ఈ పాత్రలో కొత్తమ్మాయి కనిపించాలట. అందుకే బాలయ్య కోసంఆడిషన్స్ జరుపుతున్నారు. ఇద్దరు ముంబై భామలు ఆ పాత్ర కోసం రేసులో ఉన్నారని… ఒకట్రెండు రోజుల్లో ఖరారు చేస్తారని తెలుస్తోంది.
జూన్ 10 బాలయ్య పుట్టిన రోజు.. ఆ రోజున గౌతమిపుత్ర శాతకర్ణి ఫస్ట్ లుక్ రిలీజ్ చేస్తారేమో అనుకొని అభిమానులు ఆశపడ్డారు. కానీ అలాంటిదేం లేదని తెలిసింది. వందో సినిమాకి సంబంధించిన ఓ ఎంబ్లమ్ మాత్రం రిలీజ్ చేయాలన్న ఆలోచనలో చిత్రబృందం ఉన్నట్టు తెలుస్తోంది. దాన్ని టీజర్ రూపంలో విడుదల చేసే అవకాశం ఉంది. అంతకు మించి బాలయ్య పుట్టిన రోజుకు ప్రత్యేకమైన బహుమానాలేం లేవు.
