గోపీచంద్ కెరీర్ ఒడిదుడుకుల్లో పడింది. గతేడాది ఒక్క సినిమా కూడా విడుదల కాలేదు. గత వారం రావాల్సిన ఆరడుగుల బుల్లెట్ ఆర్థిక సంక్షోభంలో పడింది. అయితే చేతిలో మరో రెండు సినిమాలు ఉండడం.. గోపీకి ఊరట కలిగించే విషయమే. అందులో ఒకటి… ‘గౌతమ్ నంద’. సంపత్ నంది దర్శకత్వం వహించాడు. కేథరిన్ కథానాయికగా నటించిన ఈ చిత్రంలో గోపీ పాత్ర రెండు షేడ్స్ లలో ఉండబోతోంది. గోపీచంద్ పుట్టిన రోజు సందర్భంగా గౌతమ్ నంద టీజర్ని కొద్ది సేపటి క్రితం విడుదల చేశారు. టీజర్ స్టైలీష్గా, కాస్ట్లీగా కనిపిస్తోంది. లొకేషన్లు ఆకర్షిస్తున్నాయి. గోపీచంద్ నుంచి ఏమైతే ఆశిస్తామో… అవన్నీ టీజర్లో చూపించేశాడు సంపత్నంది. స్విమ్మింగ్ పూల్లో కేథరిన్ కేక పుట్టించింది. గోపీచంద్ లౌడ్ డౌలాగ్ తో.. టీజర్ని ముగించేశాడు సంపత్ నంది. కెరీర్లో కాస్త వెనుకబడ్డ గోపీచంద్కి ఈ గౌతమ్ నందా… ఓ విజయం అందిస్తుందేమో అన్న భరోసా అయితే కలుగుతోంది. గోపీ, సంపత్ల అదృష్టం ఎలా ఉందో చూడాలి మరి.
టీజర్ టాక్: ‘గౌతమ్ నంద’
