ఎన్నికల ప్రకటన అలా వచ్చింది… ఇలా.. పోలింగ్ ప్రక్రియ కూడా ముగిసిపోయింది. ఇదీ ఏపీలో జరిగిన ఎన్నికల తీరు. నెల రోజుల్లో… ఎన్నికల నోటిఫికేషన్, అభ్యర్థుల ఎంపి, ప్రచారం.. ఇలా ప్రతీ అంశం.. రాజకీయ పార్టీలకు హడావుడి అయిపోయింది. తీరా గేమ్ ఆడేసి.. రిజల్ట్ కోసం… నెలన్నర రోజులు ఎదురు చూడాల్సిన పరిస్థితి. ఇప్పుడు రాజకీయ పార్టీలన్నీ.. ఏం జరిగిందా.. అని విశ్లేషించుకుంటే.. తమకు కొంత సమయం ఉంటే బాగుండేదన్న అభిప్రాయం.. అందరిలోనూ వస్తోంది. అయితే.. టీడీపీ అధినేత చంద్రబాబునాయుడు మాత్రం… తొలి దశ ఎన్నికలతో మేలే జరిగిందని… పార్టీ నేతలకు ధీమా ఇస్తున్నారు. పార్లమెంటరీ నియోజకవర్గాల వారీగా.. సమీక్షలు ప్రారంభించిన సీఎం.. రాజమండ్రి.. లోక్సభ పరిధిలోని అభ్యర్థులతో ఈ వ్యాఖ్యలు చేశారు.
వాస్తవానికి ఏపీలో ఎన్నికలు ఎప్పుడైనా.. చివరి దశల్లో ఉంటాయి. ముందుగా.. సమస్యాత్మక ప్రాంతాలుగా భావించే రాష్ట్రాలపైనే ఈసీ దృష్టి పెట్టి.. వాటిలో ఎన్నికల నిర్వహణ పూర్తి చేసేది. అందుకే.. ఎక్కువగా ఉత్తరాది రాష్ట్రాల్లో మొదటగా పోలింగ్ జరిగేది. ఈ సారి మాత్రం.. కారణం రాజకీయమో.. మరొకటో కానీ.. దక్షిణాది రాష్ట్రాల్లో మొదటి.. రెండు విడతల్లోనే పూర్తి చేసింది. సరైన భద్రతా బలగాలు లేకపోయినా.. కాలం చెల్లిన ఈవీఎంలతో అయినా.. పని పూర్తి చేసేసింది. కానీ.. ఉత్తరాదిన మాత్రం… సుదీర్ఘంగా కొనసాగిస్తోంది. ఏపీ , తెలంగాణలో కలిపి 42 నియోజకవర్గాలు ఉంటే.. ఒకే విడత.. అదీ మొదట్లోనే ఎన్నికలు పూర్తయ్యాయి. బెంగాల్లో అదే 42 నియోజకవర్గాలు ఉన్నాయి కానీ.. ఏడు విడతలుగా పోలింగ్ నిర్వహిస్తున్నారు. అయినా అక్కడ ఎప్పటికప్పుడు హింసే.
దక్షిణాదిలో.. పరిస్థితులు అనుకూలంగా ఉంటాయి కాబట్టి… ఈసీ ఎక్కువ దృష్టి కేంద్రీకరించాల్సిన పరిస్థితి ఉండేది కాదు. కానీ ఈ సారి రాజకీయ కారణాలతో.. మొదట్లోనే.. పోలింగ్ పెట్టారు. బీజేపీ తమకు అనుకూలమైన పార్టీలకు.. ముందుగానే హింట్ ఇవ్వడంతో.. ఆయా పార్టీలు ఆ మేరకు ఏర్పాట్లు చేసుకున్నాయి. టీడీపీ అధినేత చంద్రబాబు కూడా.. అలాంటిదేదో ఉంటుందని ముందుగానే… అభ్యర్థుల ఎంపిక కసరత్తు చేయడంతో… పెద్దగా ఇబ్బంది పడలేదు. అనుకున్న విధంగా… అభ్యర్థుల ఎంపిక , ప్రచారం నిర్వహించారు. కానీ ఎలక్షన్ మేనేజ్మెంట్లో మాత్రం.. వెనుకబడ్డారన్న ప్రచారం జరుగుతోంది. అయినా.. సరే… మొదటి దశ ఎన్నికలతో..మంచే చేశారని చంద్రబాబు అంటున్నారు. అభ్యర్థుల పరంగా చూస్తే.. అది మంచిదే. ఎందుకంటే… సుదీర్ఘమైన ఎన్నికల ప్రక్రియ ఉంటే… వారు ఖర్చు.. రెండింతలు, మూడింతలు అయ్యేది మరి..!
