దిల్ రాజు నిర్మాణంలో అనిల్ రావిపూడి డైరక్షన్ లో తయారవుతున్న సినిమా ఎఫ్ 2. విక్టరీ వెంకటేష్, హీరో వరుణ్ తేజ్ నటిస్తున్న మల్టీ స్టారర్. ఈ సినిమా గతంలో వచ్చిన శ్రీను వైట్లు సినిమాల్లో కన్ఫ్యూజన్ కామెడీ మాదిరిగా సాగుతుంది. పెళ్లయిన వెంకీ భార్యతోనో, పెళ్లి చేసుకోవాలనే వరుణ్ ప్రేయసీతోనూ కాస్త విసిగి ఇండియా నుంచి అమెరికా వచ్చేయడం, ఇద్దరు హీరోయిన్లు కూడా వెదుకులాడుతూ అమెరికా రావడం కాన్సెప్ట్. తీరా తమ కోసం అమెరికా వచ్చారనుకుని హీరోలు అనుకుంటే, వాళ్లు వచ్చిందే వేరే ఇద్దరి కోసం అనే కన్ఫ్యూజన్ బయటకు రావడం ఇలా సాగుతుంది వ్యవహారం.

ఇంతకీ ఇప్పుడు విషయం ఏమిటంటే, చిన్న పాత్రలయినా ‘ ఆ వేరే ఇద్దరు’ అంటూ ఎవరో వుండాలి గా? మరి కాస్త బడ్డీ యాక్టర్లను ఎవరినో ఈ పాత్రలకు తీసుకోవాలి. వెంకీ, వరుణ్ లాంటి స్టార్ల సినిమాలో బడ్డీ క్యారెక్టర్లయినా, క్రేజ్ నే. మరి ఆ పాత్రలకు ఎవర్ని తీసుకున్నారో? ఎవరు చేస్తారో? హైదరాబాద్ లో చాల వరకు షూట్ చేసిన తరువాత అమెరికా షిప్ట్ అవుతారు. అక్కడ కొంత షూట్ చేసాక వెనక్కు వచ్చిన కొద్దిగా మిగిలే బ్యాలెన్స్ వర్క్ ఫినిష్ చేస్తారు.

ఈ సినిమాను వీలయితే సంక్రాంతి బరిలోకో, లేదూ అంతకన్నా ముందుగానో రెడీ చేసేయాలనే ప్లాన్ లో వున్నారు దిల్ రాజు.