ప్ర‌భాస్ క‌థానాయ‌కుడిగా న‌టిస్తున్న మ‌రో పాన్ ఇండియా చిత్రం `ప్రాజెక్ట్ కె`. నాగ అశ్విన్ ద‌ర్శ‌క‌త్వం వ‌హిస్తున్న ఈ చిత్రాన్ని వైజ‌యంతీ మూవీస్ అత్యంత ప్ర‌తిష్టాత్మ‌కంగా, భారీ బ‌డ్జెట్‌తో తెర‌కెక్కిస్తోంది. ఇందులో అమితాబ్ బ‌చ్చ‌న్ ఓ కీల‌క‌మైన పాత్ర పోషిస్తున్న సంగ‌తి తెలిసిందే. ఆ పాత్ర‌కు సంబంధించిన వివ‌రాలు తెలుగు 360 ఎక్స్‌క్లూజీవ్‌గా రాబ‌ట్టింది.

ఈ సినిమాలో బిగ్ బి.. అశ్వ‌ద్ధామ‌గా క‌నిపించ‌బోతున్నారు. చాలా ప్రసిద్ధ‌మైన పురాణ పాత్ర అది. ఆంజ‌నేయుడు, అశ్వ‌ద్ధామ లాంటి వాళ్ల‌కు చావు లేద‌ని పురాణాలు చెబుతున్నాయి. వీళ్లింకా బ‌తికే ఉన్నార‌న్న‌ది చాలామంది న‌మ్మ‌కం. హిమాల‌యాల్లో ఆంజ‌నేయుడు ఇంకా తిరుగుతున్నాడ‌ని క‌థ‌లు క‌థ‌లుగా చెబుతుంటారు. నిజంగా అశ్వ‌ద్ధామ కూడా ఇప్ప‌టికీ బ‌తికే ఉంటే..? అనే ఆలోచ‌న‌కు బీజ‌మే.. ప్రాజెక్ట్ కే. ఇందులో పాత్ర‌ల‌న్నీ పురాణ పాత్ర‌ల ప్రేర‌ణ‌తో రాశార‌ని సమాచారం. అందులో అశ్వ‌ద్ధామ పాత్ర ఒక‌టి. ఈ పాత్ర‌లోనే బిగ్ బీ క‌నిపించ‌బోతున్నారు. మ‌రి.. ప్ర‌భాస్ ఎలాంటి పాత్ర పోషింస్తున్నారో ఇంకా తెలీదు. ప్రాజెక్ట్ కె కేవ‌లం వ‌ర్కింగ్ టైటిల్ మాత్ర‌మే. కె అంటే అర్థం ఏమిట‌న్న‌ది ఇప్ప‌టికీ స‌స్పెన్స్‌గానే ఉంది. కె అంటే కల్కీ అవ‌తార్ అని, క‌ల్కీ పాత్ర‌లో ప్ర‌భాస్ క‌నిపిస్తార‌ని గుస‌గుస‌లు వినిపిస్తున్నాయి.