అవును… మీరు చదివింది నిజమే. మూవీ థియేటర్లలో ఎలక్షన్ రిజల్ట్స్ టెలికాస్ట్ చేయబోతున్నారు. దేశవ్యాప్తంగా ఎవరు గెలుస్తారు? ఏ పార్టీకి ఎన్ని సీట్లు రాబోతున్నాయి? మోడీ ముచ్చటగా మూడోసారి అధికారం చేపడతారా..? సర్వే సంస్థలు చెప్తున్నట్లు ప్రాంతీయ పార్టీలు కింగ్ మేకర్ అవుతాయా? అన్న చర్చ జోరందుకుంది. జూన్ 4న కౌంటింగ్ కు ఈసీ రెడీ అయిపోయింది.
కౌంటింగ్ అంటే రౌండ్ రౌండ్ కు గెలుపోటములు తారుమారు అవుతుంటాయి. పార్టీలే కాదు జనం కూడా ఉత్కంఠగా టీవీలకు అతుక్కుపోతారు. కానీ థియేటర్లలో బిగ్ స్క్రీన్ మీద ఆ రిజల్ట్స్ చూస్తే ఎలా ఉంటుందో ఊహించుకోండి….
అవును… ఆ మాజా ఇప్పుడు ముంబై వాసులకు దక్కనుంది. ముంబైలోని సియాన్, కంజూర్ మార్గ్ లోని మల్టీప్లెక్స్ లు, పుణేతో పాటు నాగపూర్ టౌన్ లోని పలు మాల్స్ లో ఇప్పటికే బుకింగ్స్ కూడా ఓపెన్ అయిపోయాయి.
ఆరు గంటల పాటు నాన్-స్టాప్ గా ఫలితాలను లైవ్ లో చూపిస్తారు. ఇందుకోసం ఆయా థియేటర్లను బట్టి ఒక్కో టికెట్ రేటును గరిష్టంగా 300రూపాయల వరకు నిర్ణయించారు. పేటీఎం యాప్స్ లో డిస్కౌంట్స్ కూడా అందుబాటులో ఉన్నాయి.
