గెలవడానికి జగన్ రెడ్డి అండ్ గ్యాంగ్ ఓటర్ల జాబితాపై పడ్డారు. వాలంటీర్ల ద్వారా సేకరించిన సమాచారంతో.., సజ్జల రామకృష్ణారెడ్డి నేతృత్వంలో ఓ ప్రత్యేకమైన టీముల్ని ఏర్పాటు చేసుకుని.. అడ్డగోలుగా ఓటర్లను తీసేస్తున్నారు. ఫామ్ సెవన్ లు పెట్టించి.. పోలీసుల్ని కూడా ఇన్వాల్వ్ చేయించి ఓట్లను తొలగిస్తున్నారు. ఈ వ్యవహారంపై ఈసీ చర్యలు ఏ మాత్రం సంతృరప్తిగా లేవన్న విమర్శలు పెరిగిపోతూండటంతో.. ఇటీవల కొన్ని చర్యలు తీసుకుంది.
పర్చూరులో నలుగురు పోలీసు అధికారులపై వేటు పడింది. రాష్ట్ర వ్యాప్తంగా ఇలాంటి ఫిర్యాదుపై స్పందించేందుకు రంగం సిద్ధం చేసుకుంది. కేంద్ర ఎన్నికల కమిషన్కు పెద్ద ఎత్తున పిర్యాదులు వెళ్తూండటంతో… రాష్ట్ర ఎన్నికల అధికారికీ స్పందించక తప్పడం లేదు. రాష్ట్ర వ్యాప్తంగా ఫామ్ 7లు, ఓట్ల తొలగింపులో కుట్ర పూరితంగా వ్యవహిరంచిన వారందరి జాహితాను రెడీ చేయించారు. నిజానికి బీఎల్వోలుగా సచివాలయ ఉద్యోగుల్ని, మహిళా పోలీసుల్ని నియమించారు. ఇది నిబంధనలకు విరుద్ధం. పేరుకు వారిని ముందు పెట్టి వైసీపీ నేతలు చేయాల్సిన ఘనకార్యాలు చేశారు. వారి దెబ్బకు ఇప్పుడు బీఎల్వోలు బలి అవబోతున్నారు. జోక్యం చేసుకున్న పోలీసుల ఉద్యోగాలు రిస్క్ లో పడబోతున్నాయి.
ఓటర్ల జాబితాలో అక్రమాలను ఈసీ చాలా సీరియస్ గా తీసుకుంటుంది. కేసులు నమోదైనా, ఆరోపణలు వచ్చినా.. తర్వాత తీవ్రమైన పరిణామాల్ని ఉద్యోగులు ఎదుర్కోవాల్సి ఉంటుంది. సర్వీస్ నుంచి డిస్మిస్ చేసే అవకాశాలు కూడా ఉంటాయి. ఇప్పటికీ ఉన్న ప్రాథమిక ఆధారాలను బట్టి కొన్ని వందల మంది ఉద్యోగాలు రిస్క్ లో పడిపోయాయని చెబుతున్నారు. ఈ ప్రభుత్వం ఉద్దేశపూర్వకంగా చేయిస్తున్న తప్పు అయినా కాపాడలేకపోతున్నారు. ప్రభుత్వం మారితే అందరికీ డిస్మిస్ ఆర్డర్స్ చేతికి వస్తాయని చెబుతున్నారు. ఇందుకు సంబంధించే.. టీడీపీ పూర్తి స్థాయి అక్రమాలపై ఆధారాలను సేకరించి.. వ్యూహాత్మకంగా ఫిర్యాదులు చేస్తున్నట్లుగా చెబుతున్నారు.
