దుల్కర్ సల్మాన్ కథానాయకుడిగా వైజయంతీ మూవీస్ ఓ చిత్రాన్ని తెరకెక్కిస్తోంది. హను రాఘవపూడి దర్శకుడ. ప్రియాంకా దత్ నిర్మాత. ఈరోజు దుల్కర్ సల్మాన్ పుట్టిన రోజు. ఈసందర్భంగా సినిమాకి సంబంధించిన అధికారిక ప్రకటనతో పాటు పోస్టర్ని విడుదల చేశారు. `లెఫ్ట్నెంట్ రామ్` అంటూ దుల్కర్ పాత్రని ప్రేక్షకులకు పరిచయం చేశారు. `యుద్ధంతో రాసిన ప్రేమకథ` అంటూ ట్యాగ్ లైన్ ఇచ్చారు. 1964 నేపథ్యంలో సాగే కథ ఇది. తెలుగు, తమిళ, మలయాళ భాషల్లో తెరకెక్కుతోంది. విశాల్ చంద్రశేఖర్ సంగీతం అందించనున్నారు. వైజయంతీ మూవీస్ `మహానటి`లో ఓ కీలక పాత్ర పోషించాడు దుల్కర్. అప్పుడే దుల్కర్ తో ఓ ప్రాజెక్టు చేయడానికి వైజయంతీ మూవీస్ ఒప్పందం కుదుర్చుకుంది. ఎట్టకేలకు.. ఆ సినిమా ఇప్పుడు పట్టాలెక్కబోతోంది.
