‘బిగ్ బాస్’ ద్వారా చాలామంది నటీనటులు వెలుగులోకి వచ్చారు. వెండి తెరపైనా రాణిస్తున్నారు. అయితే.. వాళ్లలో నటీమణుల హవానే ఎక్కువ. బిగ్ బాస్ నుంచి పాపులర్ అయిన దివికి చాలా అవకాశాలు వస్తున్నాయి. ఇటీవల `గాడ్ ఫాదర్`లో ఓ కీలక పాత్ర పోషించింది. ఇప్పుడు `పుష్ప 2`లోనూ ఆఫర్ అందుకొన్నట్టు తెలుస్తోంది. పుష్ప 2లో దివి ఓ కీలక పాత్ర పోషించనుందట. ఇందులో ఆమె జర్నలిస్టుగా కనిపించనున్నట్టు సమాచారం అందుతోంది. అందుకోసం.. సుకుమార్ దివికి ప్రత్యేకమైన శిక్షణ కూడా ఇప్పించాడట. ఓ పాపులర్ టీవీ జర్నలిస్టుతో వర్క్ షాప్ చేయించి… పాత్ర కోసం దివిని సన్నద్ధం చేసినట్టు తెలుస్తోంది. దివి చేతిలో ఇప్పుడు చాలా సినిమాలున్నాయి. అవన్నీ క్రేజీ ప్రాజెక్టులే. `బిగ్ బాస్`కి ముందు కూడా దీవి కొన్ని సినిమాల్లో చేసింది. కానీ వాటికి రాని గుర్తింపు ఇప్పుడు దివికి దక్కుతోంది. అంతా… బిగ్ బాస్ మహిమ.
‘పుష్ప 2’లో బిగ్ బాస్ భామ
