తేజ టైటిళ్లు వెరైటీగా ఉంటాయి. చిత్రం, నువ్వూ నేను, జయం, లక్ష్మీ కల్యాణం – ఇలా సింపుల్ పేర్లతోనే అద్భుతాలు సృష్టించారు. రానా కోసం `రాక్షస రాజు రావణాసురుడు` (RRR) అనే టైటిల్ ఫిక్స్ చేశారు. ఇప్పుడు `అలివేలు – వెంకటరమణ` అనే కొత్త టైటిల్ కూడా బయటకు వచ్చింది. ఇది గోపీచంద్ కోసం తేజ తయారు చేసుకుంటున్న సినిమాకి టైటిల్. అవును.. తేజ – గోపీచంద్ కాంబినేషన్లో ఓ చిత్రం రూపుదిద్దుకోనుంది. ఇప్పటికే కథ రెడీ అయ్యింది. అయితే ముందుగా రానా సినిమానే మొదలవుతుందని, ఆ తరవాత గోపీచంద్ సినిమాని మొదలెడతారని తెలుస్తోంది. ఇప్పుడు తేజ ఫోకస్ అంతా `రాక్షస రాజు రావణాసురుడు`పైనే ఉంది. ఈ సినిమా కోసం నటీనటుల్ని, సాంకేతిక నిపుణుల్నీ ఎంపిక చేసుకునే పనిలో బిజీగా ఉన్నారు తేజ. రానా సినిమా పూర్తయ్యాకే.. గోపీచంద్ సినిమాపై ఫోకస్ పెడతారు. కాకపోతే ఈలోగా టైటిల్ని రిజిస్టర్ చేయించేశారు.
తేజ టైటిల్: అలివేలు – వెంకటరమణ
