నందమూరి బాలకృష్ణ వందో సినిమాకి రంగం సిద్ధమవుతోంది. ఈసినిమాకి సంబంధించిన ఆసక్తికరమైన విషయాలన్నీ బయటకు వస్తున్నాయి. క్రిష్ దర్శకత్వంలో తెరకెక్కుతున్న ఈ చిత్రానికి బడ్జెట్ ఎంతో తెలుసా?? రూ.50 కోట్లు. బాలకృష్ణ చిత్రాల్లో హయ్యస్ట్ బడ్జెట్ చిత్రమిది. అంతేకాదు.. ఇంత భారీ కాన్వాస్ ఉన్న సినిమాని 9 నెలల్లో పూర్తి చేస్తానంటున్నాడు క్రిష్. అయితే ఈ సినిమాని క్రిష్ ఇప్పుడు బాహుబలితో పోలుస్తున్నాడు. గౌతమి పుత్ర శాతకర్ణి కూడా బాహుబలిలా విజువల్గా గ్రాండిటీ డిమాండ్ చేసే కథ.యుద్దాలు,రాజులు.. రాజదర్బారులూ ఇలాంటి హంగామా ఉంటుంది.
బాహుబలిని చూసిన కళ్లతో గౌతమి పుత్రని చూస్తే ఇబ్బంది అవుతుంది కదా? అంటే… ”అలా పోల్చి చూస్తారని నాకు తెలుసు. అందుకే విజువల్గా ఈ సినిమాపై ఎంత కేర్ తీసుకోవాలో.. అంతా తీసుకొంటున్నాం. బాహుబలితో పోల్చడం కాదు గానీ. ఆ స్థాయికి ఏమాత్రం తగ్గకుండా ఈ సినిమా తీస్తా” అంటున్నాడు క్రిష్.బాహుబలి అంటే వందల కోట్ల సినిమా. మరి క్రిష్ రూ.50 కోట్లతో రంగంలోకి దిగుతున్నాడు. బాహుబలికి పోటీగా తన సినిమాని మలచాలనుకోవడం తప్పేం కాదు. కాకపోతే మరీ సినిమా మొదలెట్టకముందే.. ఇలాంటి పోలికలు తీయడం.. అంత మంచిది కాదేమో..??
