ఓ సూపర్ హిట్ సినిమాకి సీక్వెల్ అంటే.. దాదాపుగా అదే టీమ్ కంటిన్యూ అవుతుంది. దర్శకుడి మార్పు అరుదుగా కనిపించే విషయం. ‘శతమానం భవతి’ సీక్వెల్ కోసం మాత్రం దర్శకుడు మారాడు. దిల్ రాజు బ్యానర్లో వచ్చిన మంచి సినిమాల్లో ‘శతమానం భవతి’ ఒకటి. శర్వానంద్ హీరోగా నటించిన ఈ చిత్రానికి సతీష్ వేగ్నేశ దర్శకత్వం వహించారు. సంక్రాంతి సీజన్లో పెద్ద సినిమాలతో పోటీపడి వచ్చిన ఈ సినిమా గొప్ప విజయాన్ని అందుకొంది. ఇప్పుడు ఈ చిత్రానికి సీక్వెల్ వస్తోంది. 2025 సంక్రాంతి బరిలో ఈ చిత్రాన్ని నిలపాలని దిల్ రాజు భావిస్తున్నారు.
అయితే ఈ సీక్వెల్ కి సతీష్ దర్శకత్వం వహించడం లేదు. తన స్థానంలో హరి అనే ఓ కొత్త కుర్రాడ్ని దర్శకుడిగా తీసుకొన్నారు దిల్ రాజు. వంశీ పైడిపల్లి దగ్గర దర్శకత్వ శాఖలో పని చేశాడు హరి. దిల్ రాజు కాంపౌండ్ లో చాలా కాలం నుంచి రైటర్గా కొనసాగుతున్నాడు. ఇప్పుడు ఈ సీక్వెల్ కి తానే దర్శకుడు. ఐడియా మాత్రం దిల్ రాజుదే. మరి కథకుడిగా దిల్ రాజు పేరు వేసుకొంటారో లేదో చూడాలి. శర్వానంద్ ఈ సీక్వెల్ లోనూ హీరోగా కనిపించే అవకాశాలు ఉన్నాయి. అతి త్వరలో పూర్తి వివరాలు బయటకు వస్తాయి.
