ఆమిర్ఖాన్ ‘లాల్ సింగ్ చడ్డా’ తీవ్రంగా నిరాశపరిచింది. ‘ఫారెస్ట్ గంప్’కి రీమేక్గా తెరకెక్కిన ఈ సినిమా చేదు ఫలితం చవి చూసింది. అమీర్ సినిమాలు విమర్శకుల ప్రసంశలు పొందుతాయి. అయితే ఈ సినిమాపై విమర్శకులు కూడా పెదవి విరిచారు. భారీ అంచనాల మధ్య విడుదలైన ఈ సినిమా బాక్సాఫీస్ వద్ద పరాజయాన్ని అందుకుంది. దీంతో చిత్ర దర్శకుడు అద్వైత్ చందన్పై ఆమిర్ ఆగ్రహంగా ఉన్నట్లు కొన్ని కథనాలు వచ్చాయి.
అయితే దీనిపై తాజాగా దర్శకుడు అద్వైత్ క్లారిటీ ఇచ్చారు. ఆమిర్తో దిగిన ఓ ఫొటోని సోషల్ మీడియాలో షేర్ చేశాడు.‘‘ఆమిర్కు నాకు మధ్య విభేదాలున్నాయని అనుకుంటున్న వాళ్లకు నేను చెప్పేది ఒక్కటే. జీనీ – అలాద్దీన్, బాలు – మోగ్లీ, అమర్ – ప్రేమ్ లాంటి అనుబంధం మాది ’’ అని రాసుకొచ్చాడు. మొత్తానికి కొన్నాళ్ళుగా జరుగుతున్న ప్రచారానికి తన పోస్ట్ తో పుల్ స్టాప్ పెట్టాడు అద్వైత్.
