‘మళ్లీ రావా’, ‘ఏజెంట్ సాయి శ్రీనివాస ఆత్రేయ’ వంటి విజయవంతమైన చిత్రాలతో స్వధర్మ్ ఎంటర్టైన్మెంట్ పేరు గట్టిగానే వినిపించింది. ఇప్పుడు ఈ బ్యానర్లో రూపుదిద్దుకొన్న మూడో సినిమా.. ‘మసూద’. హారర్-డ్రామా ఎంటర్టైనర్గా తెరకెక్కిన ఈ చిత్రంతో సాయికిరణ్ దర్శకుడిగా పరిచయం అవుతున్నారు. నవంబర్ 18న విడుదల కాబోతోంది. తెలుగు రాష్ట్రాల్లో ఈ చిత్రాన్ని ప్రముఖ నిర్మాత దిల్ రాజు విడుదల చేస్తున్నారు. ఓ చిన్న సినిమాని దిల్ రాజు తన బ్యానర్లో విడుదల చేయడం ఈమధ్య కాలంలో ఇదే తొలిసారి.
‘‘మళ్లీ రావా, సాయి శ్రీనివాస ఆత్రేయ చిత్రాలకు నేను అభిమానిని. ‘మళ్లీరావా’తో గౌతమ్ని పరిచయం చేశాడు. ‘ఏజెంట్ సాయి శ్రీనివాస ఆత్రేయ’తో స్వరూప్ని డైరెక్టర్గా, నవీన్ పోలిశెట్టిని హీరోగా పరిచయం చేశాడు. నవీన్కి ఆ సినిమా ఎంత ప్లస్ అయ్యిందో తెలిసిందే. ఆ రెండు సినిమాలకు నేను అభిమానిని. రాహుల్ అభిరుచిగల నిర్మాత. ఆ రెండు సినిమాల జర్నీ నాకు నచ్చి.. అప్పుడే రాహుల్కి మాటిచ్చాను.. తర్వాత ఏదైనా సినిమా ఉంటే.. నువ్వు నిర్మించిన తర్వాత మా ద్వారా రిలీజ్ చేద్దాం అని చెప్పాను. ఈ సినిమా టీజర్ చూశాను. చాలా ఇంట్రెస్టింగ్గా, ఎగ్జయిటింగ్గా అనిపించింది. అందుకే మా సంస్థ ద్వారా విడుదల చేస్తున్నామ“న్నారు దిల్ రాజు.
