తెలంగాణ నుంచి అత్యధిక పార్లమెంట్ స్థానాలను గెల్చుకునే లక్ష్యంతో కాంగ్రెస్ బలమైన అభ్యర్థుల కోసం గట్టి ప్రయత్నాలు చేస్తోంది. ఈ క్రమంలో కిషన్ రెడ్డిపై దానం నాగేందర్ ను బరిలోకి దింపే ఆలోచన చేస్తోంది. దానం కూడా రెడీ అన్నట్లుగా చెబుతున్నారు. ఆయన కాంగ్రెస్ ఇంచార్జ్ దీపాదాస్ మున్షితో పాటు కాంగ్రెస్ సీనియర్లందర్నీ కలిశారు. రేపో.. ఎల్లుండో కాంగ్రెస్ కండువా కప్పుకుని సికింద్రాబాద్ అభ్యర్థిగా పోటీకి దిగే సూచనలు ఉన్నాయని చెబుతున్నారు.
కాంగ్రెస్లో పెద్ద ఎత్తున చేరికలు జరగనున్నాయి. విశాఖపట్నంలో బహిరంగసభలో పాల్గొన్న తర్వాత రేవంత్ రెడ్డి ఢిల్లీకి వెళ్లనున్నారు. చేవెళ్ల బీఆర్ఎస్ ఎంపీ.రంజిత్ రెడ్డి, రాజేందర్ నగర్ ఎమ్మెల్యే,తొలకంటి ప్రకాష్ గౌడ్, మాజీ మంత్రి ఇ, పెద్దిరెడ్డి, భువనగిరి మాజీ ఎమ్మెల్యే ఫైళ్ల శేఖర్ రెడ్డి , మాజీ మంత్రి మల్లారెడ్డి, మల్కాజ్ గిరి ఎమ్మెల్యే మర్రి రాజశేఖర్ రెడ్డి వీరంతా రెండు రోజుల్లో పార్టీలో చేరబోతున్నారు. మరికొంత మంది కీలక నేతలు కూడా చేరే అవకాశం ఉంది.
బీజేపీ నేత జితేందర్ రెడ్డిని పార్టీలో చేర్చుకున్నారు. ఆయన ఎన్నికల్లో పోటీ చేయడంలేదు. ఢిల్లీలో ఆయనకు ఓ పదవి ఇచ్చారు. పార్టీ అభ్యర్థులను ఖరారు చేసేందుకు సోమవారం సెంట్రల్ ఎలక్షన్ కమిటీ సమావేశం జరగనుంది. మూడో జాబితాలో తెలంగాణ నుండి తొమ్మిది పార్లమెంట్ అభ్యర్థులను ప్రకటించే అవకాశం ఉంది. వీరిలో అత్యధికం కొత్తగా పార్టీలో కొత్తగా చేరిన వారికే అవకాశం లభించనుంది.
