సూర్య – విక్రమ్ కె.కుమార్ కాంబినేషన్లో వచ్చిన చిత్రం 24. ఈ సినిమాకి అన్నిచోట్లా పాజిటీవ్ రెస్పాన్స్ వస్తోంది. విక్రమ్ దర్శకత్వ ప్రతిభ, సూర్య నటనని అంతా కొనియాడుతున్నారు. అయితే సినిమాలో అక్కడక్కడ లాగ్ ఉందని, ట్రిమ్ చేసుకోవాల్సిన అవసరం ఉందన్న అభిప్రాయాలూ వ్యక్తం అవుతున్నాయి. వాటిని చిత్రబృందం కూడా గుర్తించింది. రెండో రోజే సినిమాని ట్రిమ్ చేశారు. ఫస్టాఫ్ లో 4 నిమిషాలు, సెకండాఫ్లో 3 నిమిషాల సన్నివేశాల్ని కుదించారని టాక్. ఆదివారం నుంచి…. కొత్త వెర్షన్ 24ని చూడొచ్చు.
24లో పాటలు ఎక్కువయ్యాన్న టాక్ కూడా వినిపించింది. ముఖ్యంగా సెకండాఫ్లో పాటలు ఇబ్బంది పెట్టాయని చెప్పుకొన్నారు. పైగా రెహమాన్ పాటల్లోనూ మ్యాజిక్ లేకుండా పోయింది. దాంతో… సెకండాఫ్లో ఓ పాట తీసేద్దామన్న ఆలోచన వచ్చినా… చిత్రబృందం మాత్రం రెహమాన్ పాటలపై ఉన్న నమ్మకంతో ఆ ఆలోచనని ఉపసంహరించుకొందని టాక్. బహుశా సోమవారం నుంచి… కనీసం ఒక పాటైనా ట్రిమ్ చేసే అవకాశం ఉందని చెప్పుకొంటున్నారు.
