సీపీఐ జాతీయ నేత నారాయణ ప్రధానమంత్రి నరేంద్రమోడీపై వివాదాస్పద వ్యాఖ్యలు చేశారు. నోట్ల రద్దు కారణంగా.. నగదు కోసం..బ్యాంకుల్లో, ఏటీఎలలో క్యూలలో నిలబడి దేశవ్యాప్తంగా 120 మంది మరణించారని… ఆ కారణంగా మోడీని 120 సార్లు కాల్చి చంపినా తప్పు లేదన్నారు. పెట్రో ధరల పెంపుపై .. రేపు దేశవ్యాప్తంగా విపక్షాలన్నీ నిరసన చేపడుతున్నాయి. భారత్ బంద్కు పిలుపునిచ్చారు. బీజేపీ, ఆ పార్టీ మిత్రపక్షాలు మినహా కాంగ్రెస్ పార్టీ సహా.. దేశంలోని అన్ని పార్టీలు, ప్రజాసంఘాలు బంద్కు మద్దతు ప్రకటించాయి. ఈ వివరాలు చెప్పేందుకు ఢిల్లీలో ప్రెస్మీట్ పెట్టిన నారాయణ.. మోడీపై విరుచుకుపడ్డారు.
అంతర్జాతీయ మార్కెట్లో క్రూడాయిల్ ధరలు..ఓ రోజు తగ్గుతున్నాయి..మరో రోజు పెరుగుతున్నాయి. కానీ.. దేశంలో మాత్రం.. పెట్రోల్ రేట్లు నిరంతాయంగా పెంచుకుటూ పోతున్నారు. ఇప్పుడు హైదరాబాద్ లాంటి నగరాల్లో పెట్రోల్ రేటు లీటర్కు రూ. 86కి చేరింది. నెల రోజుల క్రితం ఇది రూ. 79 దగ్గరే ఉండేది. రూపాయి పతనం కారణంగా రేట్లు పెరుగుతున్నాయని చెబుతున్న కేంద్రం… తమ చేతుల్లో ఏమీ లేదన్నట్లుగా మాట్లాడుతోంది. పూర్తిగా చేతులెత్తేసింది. కోట్లాది మంది భారతీయుల జీవితాలను పెట్రో ధరలు అతలాకుతలం చేస్తున్నాయని, వారి కష్టార్జితం దోపిడికి గురవుతున్నాయన్న ఆందోళన విపక్షాలు వ్యక్తం చేస్తున్నాయి. అన్నీ కలిసి బంద్కు పిలుపునిచ్చాయి.
పెట్రో ధరలను నియంత్రించడానికి కేంద్రం ఎలాంటి చర్యలు తీసుకోవడం లేదు. ఇప్పటికిప్పుడు నరేంద్రమోదీ తలుచుకుంటే… ఇంధనం ధరలు సులువుగా తగ్గించేయవచ్చని విపక్షాలు చెబుతున్నాయి. ప్రధానమంత్రిగా నరేంద్రమోదీ బాధ్యతలు చేపట్టిన తర్వాత 2014 మే నుంచి 2016 జూన్ వరకు.. తొమ్మిసార్లు.. ఎక్సయిజ్ టాక్స్ పెరిగింది. అప్పుడు అంతర్జాతీయ మార్కెట్లో చములు ధరలు బాగా తగ్గాయి. అప్పుడు ధరలు తగ్గిస్తే.. మళ్లీ పెరిగినప్పుడు ప్రజలు భరించలేరన్న కారణంతో కేంద్రం ఎక్సయిజ్ పన్నును పెంచింది. కానీ అంతర్జాతీయ మార్గెట్లో ముడి చమురు ధరలు పెరిగినప్పుడు… ఆ ట్యాక్స్ను తగ్గించేయడం లేదు. ఫలితంగా.. అటు కేంద్రం పన్నులు.. ఇటు రాష్ట్రం పన్నులు కలిసి… ప్రజలకు తడిసి మోపెడవుతోంది. ఇది ప్రజలకు అసహనానికి గురి చేస్తోంది.
