సీనియర్ నటుడు, నిర్మాత కాస్ట్యూమ్స్ కృష్ణ కన్నుమూశారు. గతకొంతకాలంగా అనారోగ్యంతో బాధపడుతున్న ఆయన.. చెన్నైలోని తన నివాసంలో తుదిశ్వాస విడిచారు. విజయనగరం జిల్లా, లక్కవరపు కోటలో జన్మించిన కృష్ణ.. చాలా సినిమాలకు కాస్ట్యూమ్ డిజైనర్గా పనిచేశారు.
రామకృష్ణ దర్శకత్వంలో వచ్చిన ‘భారత్ బంద్’ సినిమాతో కాస్ట్యూమ్స్ కృష్ణ నటుడిగా పరిచయమయ్యారు. ఆ సినిమాలో విలన్గా నటించి మెప్పించారు. ఆ తర్వాత విలన్, సహాయ పాత్రల్లో నటించారు. జగపతిబాబు కథానాయకుడిగా వచ్చిన పెళ్లి పందిరి సహా 8 చిత్రాలకు నిర్మాతగానూ ఆయన వ్యవహరించారు. కాస్ట్యూమ్స్ కృష్ణ మృతి పట్ల పలువురు ప్రముఖులు సంతాపం వ్యక్తం చేశారు.
