ప్ర‌స్తుతం ప్ర‌పంచాన్ని భ‌య‌పెడుతున్న ఏకైన విష‌యం.. క‌రోనా. క‌రోనా వ‌ల్ల వ‌చ్చే ముప్పుని ఊహించుకుంటూ వ‌ణికిపోతున్నారు ప్ర‌జ‌లు. అయితే… ఎక్క‌డిక‌క్క‌డ ముందు జాగ్ర‌త్త‌లు తీసుకుంటూనే ఉన్నారు. అందుకే ప్ర‌ధాన నగ‌రాల్లో మాస్కుల‌కు క‌రువొచ్చింది. సూప‌ర్ మార్కెట్ల‌లో చేతులు శుభ్రం చేసుకునే క్రీమ్‌ల‌కు గిరాకీ ఏర్ప‌డింది.

సినిమావాళ్లు ఇలాంటి విష‌యాల ప‌ట్ల మ‌రింత ముందు జాగ్ర‌త్త చూపిస్తారు. స్టార్లైతే మ‌రీనూ. నాగార్జున అయితే.. ఈ విష‌యంలో అప్ర‌మ‌త్తంగానే ఉన్నార్ట‌. త‌న సెట్లో ఎవ‌రైనా స‌రే, మాస్కులు ధ‌రించ‌డం త‌ప్ప‌నిస‌రి అని అల్టిమేట్టం జారీ చేశార్ట‌. అన్న‌పూర్ణ స్డూడియోస్ ఉద్యోగుల‌కూ ఇదే రూల్ పెట్టార‌ని తెలుస్తోంది. అన్న‌పూర్ణ‌, అన్న‌పూర్ణ ఏడు ఎక‌రాలు ఉద్యోగులు, అక్క‌డ వివిధ షూటింగుల నిమిత్తం వ‌చ్చేవారు.. మాస్క్‌లు ధ‌రిస్తూ క‌నిపిస్తున్నారు. ఈ రెండు స్టూడియోల‌లోనూ ఎక్క‌డిక‌క్క‌డ హ్యాండ్ వాష్ క్రీముము అందుబాటులో పెట్టార్ట‌. ఒక్క అన్న‌పూర్ణ‌లోనే కాదు, ప్ర‌తీ సెట్లోనూ ఇప్పుడు ఇలాంటి వాతావ‌ర‌ణ‌మే క‌నిపిస్తోంద‌ని గుస‌గుస‌లు వినిపిస్తున్నాయి.