ఈరోజు ప‌వ‌న్ క‌ల్యాణ్ పుట్టిన రోజు సంద‌ర్భంగా – ఫ్యాన్స్‌కి వ‌రుస‌గా స‌ర్‌ప్రైజ్‌లు అందుతున్నాయి. తొలుత వ‌కీల్ సాబ్ విచ్చేశాడు. ఆ త‌ర‌వాత‌.. క్రిష్ సినిమాలోని గ‌జ‌దొంగ ప్రీ లుక్ చూసే అవ‌కాశం వ‌చ్చింది. ఇప్పుడు.. హ‌రీష్ శంక‌ర్ సినిమాకి సంబంధించిన అప్ డేటూ వ‌చ్చేసింది.

ప‌వ‌న్ క‌ల్యాణ్ – హ‌రీష్ కాంబినేష‌న్ లో ఓ సినిమా రాబోతున్న సంగ‌తి తెలిసిందే. మైత్రీ మూవీస్ నిర్మిస్తోంది. ఈ సినిమాకి సంబంధించిన ఎనౌన్స్‌మెంట్ పోస్ట‌ర్ వ‌దిలింది చిత్ర‌బృందం. స్టైలీష్ బైక్‌, సీటుపై పెద్ద బాల‌శిక్ష పుస్తకం, ఓ గులాబీ పువ్వుతో ఆస‌క్తి పెంచేశాడు హ‌రీష్‌. స‌ర్దార్ వ‌ల్ల‌భాయ్ ప‌టేల్‌, సుభాష్ చంద్ర‌బోస్ ఫొటోలూ బ్యాక్ గ్రౌండ్ లో క‌నిపిస్తున్నాయి. `ఈసారి కేవ‌లం ఎంట‌ర్‌టైన్‌మెంటే కాదు..` అంటూ.. హ‌రీష్ హింట్ ఇచ్చేశాడు. మొత్తానికి హ‌రీష్ పెద్ద స్కెచ్చే వేసిన‌ట్టు ఉన్నాడు. ప‌వ‌న్ భావజాలాన్నీ, త‌న ఎంట‌ర్‌టైన్‌మెంట్ ని మిక్స్ చేసి ఈ క‌థ రాసుకున్న‌ట్టున్నాడు. ఈ చిత్రానికి దేవిశ్రీ ప్ర‌సాద్ సంగీతం అందించ‌నున్నాడు. మొత్తానికి గ‌బ్బ‌ర్ సింగ్ మ్యాజిక్ రిపీట్ కానుంద‌న్న‌మాట‌.