`అర‌వింద స‌మేత వీర రాఘ‌వ‌…` – ప్ర‌స్తుతం ఎన్టీఆర్ అభిమానులు జ‌పిస్తున పేరిది. ఎన్టీఆర్ సూప‌ర్ ఫామ్‌లో ఉన్నాడు. వ‌రుస‌గా అన్నీ హిట్లే. ప్ర‌తీ సినిమాతోనూ అభిమానుల్ని అల‌రిస్తూ వ‌స్తున్నాడు. స‌రికొత్త‌గా క‌నిపిస్తున్నాడు. ఈ సినిమాతో త‌న కెరీర్‌ని మ‌రో మెట్టుపైకి ఎక్కించాల‌ని తాప‌త్ర‌య ప‌డుతున్నాడు. అందుకే ప్ర‌తీ విష‌యంలోనూ ఎన్టీఆర్ స్పెష‌ల్ కేర్ తీసుకోవ‌డం మొద‌లెట్టాడు. ఆఖ‌రికి… టైటిల్‌తో స‌హా. నిజానికి ఈ సినిమా కోసం ముందుగా అనుకున్న పేరు `అర‌వింద స‌మేత‌` మాత్ర‌మేన‌ట‌. `టైటిల్ మ‌రీ సాఫ్ట్‌గా ఉంది.. మాస్ ట‌చ్ కావాలి` అని ఎన్టీఆర్ అడ‌గ‌డంతో.. అది కాస్త `అర‌వింద స‌మేత వీర రాఘ‌వ‌`గా మారింది. ఇప్పుడు క‌థ‌లో కూడా ఆ త‌ర‌హా మార్పులు మొద‌ల‌య్యాయి. మ‌రీ ముఖ్యంగా క్లైమాక్స్ ఎన్టీఆర్ సినిమా స్టైల్‌లోనే ఉండ‌బోతోంద‌ట‌. ఈమ‌ధ్య త్రివిక్ర‌మ్ సినిమాల్లో క్లైమాక్సులు క్లాస్ ట‌చ్‌తో సాగుతున్నాయి. ఎమోష‌న‌ల్ డైలాగుల‌తో క్లైమాక్సుల‌ను న‌డిపించేస్తున్నాడు. అత్తారింటికి దారేది, అఆ ఇదే దారిలో న‌డిచాయి. `అర‌వింద స‌మేత‌`కూ ఎమోష‌న‌ల్ ట‌చ్ ఉన్న క్లైమాక్సే రాశాడ‌ట‌. కానీ ఎన్టీఆర్ మాత్రం దాన్ని హెవీ యాక్ష‌న్ మోడ్‌లోకి తీసుకెళ్లాడ‌ని విశ్వ‌స‌నీయ వ‌ర్గాల స‌మాచారం. ప్ర‌స్తుతం హైద‌రాబాద్‌లో శ‌ర‌వేగంగా షూటింగ్ జ‌రుగుతోంది. ద‌స‌రాకి ఈ చిత్రాన్ని విడుద‌ల చేస్తారు.