ఈరోజు పవన్ కల్యాణ్ పుట్టిన రోజు. చిత్రసీమ నుంచి ఆయనకు శుభాకాంక్షలు వెల్లువలా వస్తున్నాయి. మెగాస్టార్ చిరంజీవి కూడా తమ్ముడ్ని తనదైన శైలిలీ ఆశీర్వదించారు. పవన్ బర్త్ డే సందర్భంగా చిరు చేసిన ట్వీట్ ప్రత్యేకంగా నిలిచిపోతుంది.
”ప్రతి సంవత్సరం నీకు పుట్టిన రోజు వస్తుంది. కానీ, ఈ పుట్టిన రోజు మరీ ప్రత్యేకం. ఆంధ్ర ప్రజానికానికి కావలసిన సమయంలో, కావలసిన నాయకుడు, వాళ్ల జీవితాల్లో పెను మార్పులు తీసుకురావడానికి, వాళ్ల ఇంటి పెద్ద బిడ్డగా వచ్చాడు. రాజకీయాల్లో నీతి, నిజాయితీ, నిలకడ, నిబద్ధత కలిగిన ఒక నాయకుడిగా నిన్ను వాళ్ల జీవితాల్లోకి ఆహ్వానించారు. గుండెల్లో స్థానం ఇచ్చారు. అది సుస్థిరం. ఈరోజుల్లో నీలాంటి నాయకుడు కావాలి, రావాలి. అద్భుతాలు జరగాలి. అది నువ్వు మాత్రమే చేయగలవi. చేస్తావనో నమ్మకం నాతో పాటు ఆంధ్ర ప్రజలందరికీ ఉంది” అంటూ చిరు ట్వీట్ చేశారు.
పవన్ కల్యాణ్ నటిస్తున్న 3 సినిమాలు ఇప్పుడు సెట్స్ పై ఉన్నాయి. ‘ఓజీ’ పాటకు సంబంధించిన అప్ డేట్ రావాలి. కానీ ఆంధ్ర, తెలంగాణలో కురుస్తున్న భారీ వర్షాల కారణంగా ఇలాంటి విపత్కర పరిస్థితుల్లో ఎలాంటి హడావుడీ చేయకూడదని ఓజీ టీమ్ నిర్ణయం తీసుకొంది. ‘ఉస్తాద్’ నుంచి కూడా ఎలాంటి అప్ డేట్ ఉండకపోవొచ్చు. ‘హరి హర వీరమల్లు’ టీమ్ ఓ చిన్న సర్ప్రైజ్ చేసే అవకాశం ఉంది.
