చిరంజీవి హీరోగా వశిష్ట దర్శకత్వంలో ఓ చిత్రం రూపుదిద్దుకోనుంది. ఆగస్టులో షూటింగ్ ప్రారంభిస్తారు. ఇదో సోషియో ఫాంటసీ కథ. ఈ కథ ‘జగదేక వీరుడు – అతిలోక సుందరి’ టచ్లో సాగుతుంది. ఆ కథనే సింపుల్ గా ఈ సినిమా కోసం రివర్స్ చేశారని టాక్.
‘జగదేక వీరుడు అతిలోక సుందరి’ గుర్తుంది కదా? అందులో దేవ లోకం నుంచి ఇంద్రజ దిగి వస్తుంది. ఓ ఉంగరం కోసం. ఇక్కడకి వచ్చి హీరోతో ప్రేమలో పడిపోతుంది. వెనక్కి తిరిగి వెళ్లలేనంత బంధనాలు వేసుకొంటుంది. సరిగ్గా ఇదే కథని రివర్స్ చేశాడు వశిష్ట. భూమ్మీద హీరోతో ప్రేమలో ఉన్న హీరోయిన్.. సడన్ గా మాయం అవుతుంది. ఆమెని మరో లోకంలోకి ఎత్తుకుపోయారని తెలుస్తుంది. దాంతో హీరో లోకాలన్నీ గాలించడం మొదలెడతాడు. నాగలోకంతో సహా. అదీ కథ. ఈ సినిమాలో దాదాపు 8మంది హీరోయిన్లు ఉంటారు. విజువల్ ఎఫెక్ట్స్ కి అధిక ప్రాధాన్యం ఉన్న కథ ఇది. 2024 వేసవిలో విడుదల చేయాలన్నది ప్లాన్. 2024లో చిరు నుంచి రెండు సినిమాలొస్తాయి. ఒకటి కల్యాణ్ కృష్ణ దర్శకత్వంలో రూపుదిద్దుకుంటుంది. దీన్ని 2024 సంక్రాంతికి విడుదల చేస్తారు. ఈ రెండు చిత్రాలూ ఆగస్టులో సమాంతరంగా ప్రారంభం అవుతాయి.
