చిరంజీవి – వ‌శిష్ట కాంబినేష‌న్‌లో ఓ చిత్రం ఇటీవ‌లే క్లాప్ కొట్టుకొంది. ప్ర‌స్తుతం ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. త్వ‌ర‌లోనే షూటింగ్ కూడా ప్రారంభం కానుంది. ఈ సినిమాకి సంబంధించిన ఆస‌క్తిక‌ర‌మైన విష‌యాలు ఒకొక్క‌టిగా బ‌య‌ట‌కు వ‌స్తున్నాయి. ఈ చిత్రానికి `విశ్వంభ‌ర‌` అనే టైటిల్ దాదాపుగా ఖ‌రారుచేశారు. `జ‌గ‌దేక వీరుడు – అతిలోక సుంద‌రి` టైపు సోషియోఫాంట‌సీ క‌థ ఇది. జ‌గ‌దేక వీరుడులో దేవ‌క‌న్య భూమ్మీద‌కు వ‌స్తుంది. అయితే ఇక్క‌డ ఈ ఫార్ములా రివ‌ర్స్ చేశారు. ఓ మ‌నిషే.. దేవ‌లోకంలో అడుగు పెట్ట‌బోతున్నాడు. సాధార‌ణంగా మ‌న పురాణాలు ప‌ద్నాలుగు లోకాలు అని వ‌ల్లిస్తుంటుంది. ఈ సినిమా కోసం ప‌దిహేనో లోకం సృష్టించ‌బోతున్నాడు ద‌ర్శ‌కుడు. అక్క‌డ మ‌నుషులు, వాతావ‌ర‌ణం, చెట్లూ, చేమ‌లూ అన్నీ కొత్త‌గా ఉండ‌బోతున్నాయ్ట‌. ఓర‌కంగా చెప్పాలంటే.. అవ‌తార్ లాంటి క‌థ‌న్న‌మాట‌. అవ‌తార్‌లో కూడా అంతే. జేమ్స్ కేమ‌రూన్ ఓ కొత్త ప్ర‌పంచాన్ని సృష్టించాడు. ఇక్క‌డ వ‌శిష్ట‌కీ అలాంటి అవ‌కాశం ఉంది. అందుకే గ్రాఫిక్స్ కోసం ఎక్కువ స‌మ‌యం కేటాయిస్తున్నారు. మేకింగ్ లో దాదాపుగా స‌గం బ‌డ్జెట్ విజువ‌ల్ ఎఫెక్ట్స్ కే స‌రిపోతున్నాయ్ట‌. ఈ సినిమాలో రానాని ప్ర‌ధాన ప్ర‌తినాయ‌కుడిగా ఎంచుకొన్నారు. అయితే అధికారికంగా ప్ర‌క‌టించాల్సివుంది. ఈ సినిమాలో దాదాపుగా అర‌డ‌జ‌ను క‌థానాయిక‌లు ఉండ‌బోతున్నారు. వారి వివ‌రాలూ ఒకొక్క‌టిగా రివీల్ చేయ‌బోతున్నారు.