కరోనా విషయంలో జాగ్రత్తగా ఉండాలని స్టార్లు.. తమ అభిమానులకు సూచిస్తున్నారు. తమ వంతు సామాజిక బాధ్యతగా హెచ్చరికలూ జారీ చేస్తున్నారు. తాజాగా చిరంజీవి ఓ వీడియో బైట్ విడుదల చేశారు. కరోనా పట్ల నిర్లక్ష్యం, అతి భయం రెండూ పనికిరావని, తగినన్ని జాగ్రత్తలు తీసుకోవాలని సూచించారు.
యావత్ ప్రపంచాన్ని భయాందోళనకు గురి చేస్తున్న సమస్య కరోనా. మనకేదో అయిపోతుందన్న భయంగానీ, మనకేమీ కాదన్న నిర్లక్ష్యంగానీ పనికి రాదు. జాగ్రత్తగా ఉండి, ధైర్యంగా ఎదుర్కోవాల్సిన సమయం ఇది. జన సమూహానికి వీలైనంత వరకూ దూరంగా ఉండండి. ఈ ఉధృతం తగ్గేంత వరకూ ఇంటికే పరిమితం అవ్వండి“ అని చెబుతూ ఈ వైరస్ సోకకుండా తీసుకోవాల్సిన జాగ్రత్తల్ని సైతం వివరించారు. మిగిలిన హీరోలూ ఇలానే ముందుకొచ్చి- తమ అభిమానులకు తగిన అవగాహన కల్పిస్తే.. మరింత బాగుంటుంది.
