ఈ రోజుల్లో చిన్న సినిమాలు ప్రేక్షకులు దృష్టిని ఆకర్షించాలంటే కంటెంట్ ఎదో కొత్తదనం వుండాలి. ప్రమోషనల్ మెటిరియల్ ఫ్రెష్ నెస్ వుండాలి. అప్పుడే ప్రేక్షకులు చూపు సినిమాపై పడుతుంది. ఇప్పుడు ‘చైనా పీస్’ టీజర్ అలాంటి క్యురియాసిటీని క్రియేట్ చేసింది.
యూనిక్ కాన్సెప్ట్, ప్రెజెంటేషన్, యాక్షన్, థ్రిల్ ,హ్యుమర్ అన్నీ మిక్స్ చేసిన స్పై డ్రామా ‘చైనా పీస్’ టీజర్ సంథింగ్ స్పెషల్ అనిపించింది.
నిహాల్ కోధాటి, సూర్య శ్రీనివాస్ హీరోలుగా, అక్కి విశ్వనాథ్ రెడ్డి దర్శకత్వంలో తెరకెక్కుతోన్న సినిమా ఇది. ఇప్పటికే రిలీజ్ అయిన ఫస్ట్ లుక్ పోస్టర్స్ సినిమాపై మంచి హైప్ క్రియేట్ చేయగా… ఇప్పుడు వచ్చిన టీజర్ అయితే అదే బజ్ను ఇంకో లెవెల్కి తీసుకెళ్లింది.
దాదాపు 2 నిమిషాల నిడివిగల ఈ టీజర్ యాక్షన్, సస్పెన్స్, కామెడీ, డ్రామా అన్ని మిక్స్ చేసిన పక్కా ఎంటర్టైనర్ అనిపించింది.
దేశ రక్షణ వ్యవస్థకి సంబంధించిన టాప్ సీక్రెట్ డేటా శత్రువుల చేతికి ఎలా చిక్కిందో… దాన్ని తిరిగిపొందడానికి చేస్తున్న మిషన్ ఎలా సాగుతుందో టీజర్ లో చూపించిన తీరు థ్రిల్లింగ్ గా ఉంది.
నిహాల్ పాత్ర ఓ మామూలు కుర్రాడిలా ప్రారంభమవుతుంది. కాని ఓ ట్విస్టుతో అతడిని టెర్రరిస్ట్గా కస్టడీలోకి తీసుకోవడం, అక్కడి నుంచి మొదలయ్యే కథ కట్టి పడేస్తుంది.
నిహాల్ కోధాటి, సూర్య శ్రీనివాస్ ఇద్దరూ చాలా సహజంగా నటించారు. కమల్ కామరాజు యాక్టింగ్, రఘు బాబు టైమింగ్ కూడా టీజర్ లోనే ఆకట్టుకుంటున్నాయి.
దర్శకుడు అక్కి విశ్వనాథ్ రెడ్డి కాన్సెప్ట్ ఫ్రెష్ నెస్ తీసుకొచ్చింది. మంచి ప్రొడక్షన్ వాల్యూస్, ఇంటెన్స్ బీజీఎమ్, స్టైలిష్ విజువల్స్.. ఇవన్నీ సినిమా రిలీజ్ కోసం ఎదురుచూసేలా చేశాయి. త్వరలోనే ఈ సినిమా ప్రేక్షకులు ముందుకు రానుంది.
