వల్లభనేని వంశీని తెలుగుదేశం పార్టీ నుండి సస్పెండ్ చేయాలని నిర్ణియంచారు. తెలుగుదేశం పార్టీపై… ఆ పార్టీ అధినేతపై అనుచితమైన వ్యాఖ్యలు చేయడమే కాదు.. వైసీపీకి బహిరంగంగా మద్దతు పలికారు. వైసీపీలో చేరుతానని..జగన్ తో కలిసి నడుస్తానని ప్రకటించారు. ఈ విషయంలో.. టీడీపీ అధినేత చంద్రబాబు ఈ రోజు పార్టీ సీనియర్ నేతలతో చర్చలు జరిపారు. వంశీ పార్టీ క్రమశిక్షణను ఉల్లంఘించారని.. ఉపేక్షించకూడదని నిర్ణయానికి వచ్చారు. ఆయనను పార్టీ నుంచి సస్పెండ్ చేయాలని తీర్మానించారు. కొద్ది రోజుల క్రితమే.. వంశీ టీడీపీకి, ఎమ్మెల్యే సభ్యత్వానికి రాజీనామా చేస్తున్నట్లుగా టీడీపీ అధినేతకు.. ఓ లేఖను..వాట్సాప్లో పంపారు. అయితే.. ఫిజికల్గా మరే లేఖలు పంపలేదు. నోటి మాట ద్వారా రాజీనామా చేసినట్లుగా చెప్పి.. పార్టీకి దూరంగా ఉంటున్నారు.
ఆయన వైసీపీలో చేరాలని నిర్ణయించుకున్నారు కానీ… అలా చేరితే.. ఫిరాయింపుల నిరోధక చట్టం కింద.. అనర్హతా వేటు పడుతుంది. ఆ కారణంగా…టీడీపీ చర్య తీసుకుంటుందేమో అని కొన్నాళ్లు వేచి చూశారు. అయితే.. టీడీపీ వైపు నుంచి ఎలాంటి కవ్వింపు చర్యలు లేవు.. ఎమ్మెల్యేగా కొనసాగాలంటే.. అనర్హతా వేటు పడకూడదు.. అందుకే.. వంశీ.. . టీడీపీ అధినేతను తీవ్రంగా విమర్శించే వ్యూహాన్ని ఎన్నుకున్నారంటున్నారు. చంద్రబాబును అన్ని మాటలు అన్న తర్వాత కూడా.. ఎలాంటి చర్య తీసుకోకుండా ఉండే అవకాశం ఉండదు. అనుకున్నట్లుగానే సస్పెన్షన్ వేటు వేశారు. ఇప్పుడు.. వంశీ నేరుగా వైసీపీలో చేరడానికి అవకాశం ఉంది. అనర్హతా వేటు పడకుండా… తప్పించుకోవడానికి ఓ అవకాశాన్ని టీడీపీనే కల్పించినట్లయింది. ఇప్పుడు .. స్పీకర్ తమ్మినేని సీతారాం.. వంశీ వెళ్లి వైసీపీలో చేరినా.. అనర్హతా వేటు వెంటనే వేయకపోవచ్చు.
కానీ.. వైసీపీ అధినేత జగన్ ప్రవచించిన విలువలు మాత్రం.. వెనక్కి పోతాయి. ఇతర పార్టీ గుర్తులపై గెలిచిన ఎమ్మెల్యేల్ని పార్టీలో చేర్చుకుంటే.. రాజీనామా చేసిన తర్వాత మాత్రమే.. పార్టీలో చేర్చుకుంటానని ఆయన చెబుతూ వస్తున్నారు. ఇప్పుడు వంశీని రాజీనామా చేయించకుండా చేర్చుకుంటే ఆ మాట తప్పినట్లు అవుతుంది. అందుకే.. టీడీపీ సస్పెండ్ చేసినా.. కొన్నాళ్లు తటస్థ సభ్యుడిగా కొనసాగే అవకాశం ఉంది.
