ఈనెల 12న ఏపీ సీఎంగా ప్రమాణస్వీకారం చేయబోతున్న చంద్రబాబు కోసం అధికారులు కాన్వాయ్ రెడీ చేశారు. ప్రమాణస్వీకారం కోసం ఇప్పటికే అన్ని ఏర్పాట్లు పూర్తి చేస్తున్న అధికారులు, నూతనంగా కాన్వాయ్ కూడా సిద్ధంగా ఉంచారు.
మొత్తం 11 వెహికిల్స్ కాన్వాయ్ లో ఉండనున్నాయి. టయోటా కంపెనీకి చెందిన బ్లాక్ కలర్ వెహికిల్స్ ను రెడీ చేసినట్లు అధికారులు తెలిపారు. ఈ వాహనాలన్నీ తాడేపల్లిలోని ఇంటెలిజెన్స్ ఆఫీసులో ఉంచారు. ఇందులో నాలుగు బుల్లెట్ ఫ్రూవ్ వెహికిల్స్ తో పాటు రెండు సిగ్నల్ జామర్స్ వెహికిల్స్ ఉన్నాయి. చంద్రబాబుకు ఉన్న జెడ్ క్యాటగిరి భద్రతకు తగ్గట్లుగా కాన్వాయ్ ను సిద్ధం చేశారు. కాన్వాయ్ లోని వాహనాలకు 393 నెంబర్ ను కేటాయించారు.
ఇక, చంద్రబాబు ప్రమాణస్వీకారానికి ప్రధాని మోడీ, పలువురు కేంద్రమంత్రులు కూడా హజరుకాబోతుండటంతో… భారీ భద్రత ఏర్పాట్లు చేస్తున్నారు.
