ఆంధ్రప్రదేశ్ రాజధాని అంశంలో కేంద్రానికి సంబంధం లేదని.. అది పూర్తిగా రాష్ట్ర ప్రభుత్వ పరిధిలోని అంశమని… కేంద్ర ప్రభుత్వం హైకోర్టులో అఫిడవిట్ దాఖలు చేసింది. రాజధాని అంశం కేంద్ర పరిధిలోనిదా.. రాష్ట్ర పరిధిలోనిదా అంటూ.. దాఖలైన పిటిషన్ విషయంలో కేంద్రం ఈ అఫిడవిట్ దాఖలు చేసింది. భారతీయ జనతా పార్టీ నేతలు ఇప్పటి వరకూ ఇదే చెబుతూ వస్తున్నారు. ఆంధ్రప్రదేశ్ రాష్ట్ర రాజధానితో కేంద్రానికి సంబంధం లేదని.. కేంద్రం ఎప్పటికి జోక్యం చేసుకోబోదని చెబుతూ వస్తున్నారు. దానికి తగ్గట్లగానే కేంద్రం తరపున అధికారికంగా క్లారిటీ వచ్చినట్లయింది.
ఆంధ్రప్రదేశ్ రాజధానిగా అమరావతిని తొలగించి.. మూడు రాజధానులను ఏర్పాటు చేయాలన్నప్పటి నుండి.. అదెలా సాధ్యమన్న చర్చ జరుగుతోంది. రైతుల త్యాగాలను కించ పర్చవద్దంటూ… కేంద్రం జోక్యం చేసుకోవాలనే డిమాండ్ వినిపిస్తూ వస్తున్నారు. సుజనా చౌదరి వంటి కొంత మంది బీజేపీ నేతలు కూడా ఇదే అంశాన్ని చెబుతూ వచ్చారు. అయితే.. చివరికి కేంద్రం తమకు సంబంధం లేదని… వైసీపీ ప్రభుత్వం ఏం చేయాలనుకుంటే అది చేసుకోవచ్చని ఫ్రీ హ్యాండ్ ఇచ్చేసింది. వాస్తవానికి అడ్డుకోవాలనుకుంటే.. కేంద్రానికి ఒక్క నిమిషం పని. ఆ విషయం కనీస రాజకీయ పరిజ్ఞానం ఉన్న వారెవరికైనా తెలుస్తుంది.
ఇక ఆంధ్రప్రదేశ్లో మూడు రాజధానుల అంశంలో న్యాయస్థానాలు.. న్యాయం చెప్పాలి తప్పితే.. కేంద్రం వైపు నుంచి ఎలాంటి స్పందన ఉండదని… తాజా అఫిడవిట్తో కేంద్రం తేల్చేసినట్లయింది. ప్రధానమంత్రి హోదాలో మోడీ శంకుస్థాపన చేసిన అమరావతి.. 33వేల ఎకరాలు ఇచ్చిన 29వేల ఎకరాల రైతులకు… క్షోభ తప్పని సరి. రాష్ట్ర రాజధానికి భూములు ఇస్తున్నామని గర్వంగా ఫీలయిన వారు ఇప్పుడు.. రోదనలతో రోడ్లెక్కుతున్నా.. పాలకులకు… కనిపించని పరిస్థితి.
