జీవితంలో ఎప్పుడూ తప్పు చేయలేదు. నిప్పులా బ్రతికాను………ఆంధ్రప్రదేశ్ ముఖ్యమంత్రి నారా చంద్రబాబునాయుడి నోటి వెంట రెగ్యులర్గా వచ్చే డైలాగులు ఇవి. భారతదేశంలో ఉన్న వేరే ఏ నాయకుడు కూడా చంద్రబాబు చెప్పుకున్నన్ని సార్లు…ఆయన చెప్పుకున్నంత గట్టిగా ‘నిప్పు’ని అని చెప్పుకుని ఉండరు. ఓ వైపు తప్పు చేయలేదు, నిప్పుని అని చెప్పుకుంటూనే …మరోవైపు ప్రజలు అందరికీ తెలిసేలా తప్పులు చేసుకుంటూ పోవడం చంద్రబాబు స్టైల్. ఎన్ని తప్పులు చేసినా సరే…భజన మీడియా సాయంతో తప్పులను ఒప్పులుగా ప్రజలను ఒఫ్పించగలనన్న నమ్మకం చంద్రబాబుకు చాలా బలంగా ఉన్నట్టుగా ఉంది. రైతు రుణమాఫీ, ప్రత్యేక హోదాలాంటి విషయాల్లో చంద్రబాబు చేసిన మోసం అంతా ఇంతా కాదు. ఆ తప్పులను ప్రజలు క్షమించారో లేక టైం కోసం చూస్తున్నారో తెలియదు.
ఇప్పటి వరకూ చేసిన అలాంటి ఎన్నో తప్పుల విషయం పక్కన పెడితే …ఇప్పుడు మాత్రం విలువలన్నీ వదిలేసి మరీ చాలా పెద్ద తప్పు చేశాడు చంద్రబాబు. తలసాని శ్రీనివాస యాదవ్ని మంత్రిని చేసిన కెసీఆర్ని, ప్రమాణం చేయించిన గవర్నర్ని, ప్రమాణం చేసిన తలసానిని చంద్రబాబు ఏ స్థాయిలో తిట్టాడో అందరికీ గుర్తుంది. జంతువులతో పోల్చి మరీ మాట్లాడేశాడు. అంటే తలసాని లాంటి జంపర్స్కి మంత్రి పదవి కట్టబెట్టడం అంటే చంద్రబాబు దృష్టిలో అంత పెద్ద తప్పు అన్నమాట. అప్పట్లో రాజకీయ విశ్లేషకులు కూడా చంద్రబాబుతో ఏకీభవించారు. వైఎస్ రాజశేఖరరెడ్డిని మించిపోయి మరీ విలువలకు పాతరేశాడని కెసీఆర్ని ఉతికి ఆరేశారు. మరి ఇప్పుడు చంద్రబాబు చేసింది ఏంటి? చంద్రబాబు మాటల్లోనే చెప్పుకోవాలంటే…పశువుల కన్నా హీనమైన పనిని చంద్రబాబు చేశాడు. అప్పట్లో జంపర్స్ గురించి బాబు వాడిన భాష అదే మరి. ఓటుకు కోట్లు కేసులో కూడా తప్పు చేస్తూ …‘బ్రీఫింగ్’ ఇస్తూ అడ్డంగా దొరికిపోయారు నారావారు. ఆ తప్పును రైటు అని జనాలను నమ్మించడం కోసం నానా పాట్లూ పడుతున్నారు చంద్రబాబు. కానీ ఆ సారి మాత్రం ఆ ఛాన్స్ కూడా లేదు. ఎందుకంటే……..ఈ రోజు చంద్రబాబు డైరెక్షన్లో గవర్నర్ నిర్వహించిన ప్రమాణ స్వీకారోత్సవం అన్ని రాజకీయ ప్రమాణాలను పూర్తిగా పాతాళంలోకి తొక్కేసింది. నాయకులకు…జంతువులకు తేడా లేదని చంద్రబాబు ఏదైతే మొత్తకున్నారో…ఈ రోజు అదే పనిని ఆయనే చేశారు. మరి ఇకపైన కూడా ‘నేను తప్పు చేయను, నిప్పులా బ్రతికాను’ లాంటి డైలాగులను చెప్పగలరా చంద్రబాబూ? బ్రీఫింగ్ వాయిస్ తర్వాత కూడా జన్మలో ఎప్పుడూ కూడా ఒక్క రూపాయి కూడా అవినీతికి పాల్పడలేదు అని చెప్పుకున్న చంద్రబాబుకు ఇకపై కూడా నేను నిప్పు అని చెప్పుకోవడం పెద్ద కష్టం కాకపోవచ్చు. బాబుగారు నిప్పు అని నమ్మించడానికి భజన మీడియా ఎలాగూ ఉందిగా.
